लुम्बिनीमा भुटान मन्दिर परिसरको भूमिपूजन समारोह सम्पन्न

पर्यटन

गृहपृष्ठ
पर्यटन

लुम्बिनीमा भुटान मन्दिर परिसरको भूमिपूजन समारोह सम्पन्न

क्यापिटल नेपाल शनिबार, असार १३, २०८३

काठमाडाैं। नेपाल सरकार र भुटानको शाही सरकारले भगवान बुद्धको जन्मस्थल लुम्बिनीको पवित्र बगैंचामा रहेको भुटान मन्दिर परिसरको सल्हङ-टेन्ड्रेल (भूमिपूजन समारोह)सँगै स्थायी मित्रताको एउटा महत्त्वपूर्ण कोसेढुङ्गा स्थापित गरेको छ।

लुम्बिनी विकास कोष, नेपाल सरकारद्वारा भुटानको शाही सरकारलाई छुट्याइएको ८०x८० मिटरको जग्गामा मन्दिर परिसर निर्माण गरिने छ। यो परियोजनाले भगवान बुद्धको विश्वव्यापी शिक्षाको संरक्षण र प्रवर्द्धन गर्ने उनीहरूको साझा प्रतिबद्धतालाई पुन: पुष्टि गर्दै दुई देशबीचको गहिरो आध्यात्मिक, सांस्कृतिक र ऐतिहासिक सम्बन्धलाई प्रतिबिम्बित गर्दछ।

सल्हङ-टेन्ड्रेल समारोहको अध्यक्षता महामहिम दोर्जी लोपोनले केन्द्रीय भिक्षु निकायका वरिष्ठ भिक्षुहरूले गरेका थिए। भुटानी प्रतिनिधि मण्डलको नेतृत्व गृहमन्त्री माननीय लियोन्पो छिरिङले गरेका थिए। यसमा नेपाल र भारतका लागि भुटानका राजदूत र भुटान शाही सरकारका वरिष्ठ अधिकारीहरू पनि समावेश थिए।

नेपाल सरकार र लुम्बिनी विकास कोषका वरिष्ठ अधिकारीहरूले पनि कार्यक्रममा भाग लिएका थिए। जसले परियोजनालाई अगाडि बढाउन दुई सरकारहरूबीचको घनिष्ठ सहयोगलाई प्रतिबिम्बित गर्दछ। समारोहअघि प्रतिनिधि मण्डलले मायादेवी मन्दिरको भ्रमण गरेका थिए।

जहाँ भगवान बुद्धको जन्मस्थलको रूपमा मान्यता प्राप्त स्थानलाई पहिचान गर्ने पवित्र मार्कर ढुङ्गा राखिएको छ। विश्वभरका बौद्ध धर्मावलम्बीहरूका लागि सबैभन्दा पवित्र स्थलहरूमध्ये एकको रूपमा सम्मान गरिन्छ। यो परियोजना पूर्ण रूपमा भुटानको शाही सरकारकव्द्वा लगानी हुनेछ। जसको अनुमानित बजेट बजेट १६ करोड रहेको छ।

प्रकाशित मिति: शनिबार, असार १३, २०८३ १४:२४

प्रतिक्रिया दिनुहोस्