करोडौं खर्चेर बनाएकोे दुई सातामै एनएसीको न्यारोबडी जहाज फेरि ग्राउन्डेड

पर्यटन

गृहपृष्ठ
पर्यटन

करोडौं खर्चेर बनाएकोे दुई सातामै एनएसीको न्यारोबडी जहाज फेरि ग्राउन्डेड

क्यापिटल नेपाल बिहीबार, फागुन २९, २०८१

काठमाडौं। नेपाल एयरलाइन्स(एनएसी)को न्यारोबडी जहाज चीनमा मर्मत गरेर ल्याएको दुई साता नबित्दै फेरि ग्राउण्डेड भएको छ। बुधबार दुबई उडानको क्रममा त्रिभुवन अन्तर्राष्ट्रिय विमानस्थलमै न्यारोबडी ‘नाइन एन एकेडब्ल’ जहाज ग्राउण्डेड भएको हो।

उडानको क्रममा जहाजमा एक्कासी समस्या आएपछि दुबई जान ठिक्क परेका यात्रुहरुलाई एयरलाइन्सकै खर्चमा होटलमा राखिएको थियो। ती यात्रुहरुलाई बिहीबार बिहान अर्को जहाज मार्फत दुबई पठाएको एयरलाइन्स स्रोतले जनाएको छ।

यसैगरी भैरहवाबाट काठमाडौं ल्याएपछि पनि ग्राउण्डेड बनेको थियो। सामान्य मर्मतपछि उडान भरिरहेको जहाज बुधबार पुनः बिग्रिएको छ। यो जहाजमा के समस्या आएको र अब कहाँ बनाउने भन्ने विषयमा कुनै निर्णय एयरलाइन्सले गरेको छैन। यस विषयमा एयरलाइन्स अन्तरगतको प्राविधिक प्रवक्ता मनोज कुमार शाहलाई सम्पर्क गर्दा उनको फोन उठेन।

यो विषयमा एयरलाइन्सले कुनै जानकारी भने गराएको छैन। सोही जहाज हो जुन दुई साताअघि चीनमा मर्मत गरेर फर्किएको थियो। चीनमा यो जहाज ६ करोड ६८ लाख रुपैयाँ खर्च गरेर फाइभ–सि–चेक (मर्मत) गरेर ल्याइएको थियो।

प्रकाशित मिति: बिहीबार, फागुन २९, २०८१ १०:३३

प्रतिक्रिया दिनुहोस्