तुँवालोले अकास ढाक्दा एक सातामै २२६ आन्तरिक उडान रोकिए

पर्यटन

गृहपृष्ठ
पर्यटन

तुँवालोले अकास ढाक्दा एक सातामै २२६ आन्तरिक उडान रोकिए

क्यापिटल नेपालसोमबार, चैत २५, २०८१

काठमाडौं। त्रिभुवन अन्तर्राष्ट्रिय विमानस्थल कार्यालयले केही दिनयता काठमाडौं उपत्यकाको अकास धूमिल हुँदा एक सातामै ७ वटा आन्तरिक वायुसेवा कम्पनीका २२६ आन्तरिक उडान रद्द भएको जनाएको छ।

कर्यालयका अनुसार चैत १७ देखि २३ सम्म भिजिबिलिटी कम हुँदा आन्तरिक वायुसेवा कम्पनीका दुईतर्फी २२६ वटा आन्तरिक उडान रद्द भएका हुन्।

मुख्य पर्यटकीय सिजनमै उडान रद्द हुँदा हवाई कम्पनीलाई क्षति पुगेको कार्यालयले बताएको छ। मौसम प्रतिकूल हुँदा पर्यटकीय गन्तव्यका हिमाली तथा पहाडी जिल्लामा ९ लाख र तराईका विमानस्थलमा ११ लाख रुपैयाँ बराबरको आम्दानी गुमिरहेको वायुसेवा सञ्चालक संघ अध्यक्ष मनोज कार्कीले बताए ।

वन–डेढेलो, धुलो, धुवाँसहितको प्रदूषणका कारण एक सातामा अधिकांश पाइलटले त्रिभुवन अन्तर्राष्ट्रिय विमानस्थलमा आखाँको सहायताले गर्ने भीएफआर उडान हुन नसकिरहेको उनको भनाइ छ।

जहाजहरुको प्रकार तथा गतिका आधारमा उपकरणको सहायताबाट जहाजलाई अवतरण गराउन ककपिटबाट न्यूनतम १६ सय मिटर परसम्म देखिने भिजिविलिटी आवश्यक पर्छ । तर, तीन दिनअघि काठमाडौं विमानस्थलको भिजिबिलिटी १२ सय मिटरसम्म झरेको छ।

प्रकाशित मिति: सोमबार, चैत २५, २०८१ ०६:४७

प्रतिक्रिया दिनुहोस्