घरबास सञ्चालकलाई तालिम

पर्यटन

गृहपृष्ठ
पर्यटन

घरबास सञ्चालकलाई तालिम

क्यापिटल नेपाल सोमबार, असार २३, २०७६

खलङ्गा । जुम्लामा पर्यटकको सङ्ख्या बढ्न थालेपछि त्यहाँका २५ वटा होमस्टे (घरबास) सञ्चालकलाई खाद्य स्वच्छतासम्बन्धी तालिम दिइएको छ ।

खाद्य प्रविधि तथा गुण नियन्त्रण डिभिजन कार्यालयले आयोजना गरेको तीनदिने सो तालिममा होमस्टेमा आउने आन्तरिक तथा बाह्य पर्यटनको बसाइँ बढाउन र स्वच्छ परिकार बनाई उनीहरुको मन लोभ्याउनका लागि अवलम्बन गर्नुपर्ने उपायका सम्बन्धमा जानकारी दिइएको प्रमुख जिल्ला अधिकारी दुर्गा बञ्जाडेले बताए ।

जुम्ला पर्यटनको पर्यटका लागि आकर्षणको क्षेत्र भएकाले यहाँको प्राकृतिक वातावरणसँगै उनीहरूको बसाइँ लम्ब्याउन खाना, खाजा र बसोबासको व्यवस्थाबारे ध्यान दिन तालिम आयोजना गरिएको खाद्य प्रविधि तथा गुण नियन्त्रण डिभिजन कार्यालयका प्रमुख अमित भुषण सुमनले जानकारी दिए ।

जय होमस्टे सञ्चालक मागे रावतले सञ्चालकले पर्यटक खानादेखि बाससम्म अकर्षण गर्न सक्नुपर्नेमा जोड दिए । रासस

प्रकाशित मिति: सोमबार, असार २३, २०७६ १७:४७

प्रतिक्रिया दिनुहोस्