‘रोल्पा टुरिजम् फर पिस’ फोटो प्रदर्शनी हुँदै

पर्यटन

गृहपृष्ठ
पर्यटन

‘रोल्पा टुरिजम् फर पिस’ फोटो प्रदर्शनी हुँदै

क्यापिटल नेपालआइतबार, जेठ ४, २०८२

काठमाडौं। ‘रोल्पा टुरिजम् फर पिस’ फोटो प्रदर्शनी हुँदैछ। ‘पर्यटन प्रवर्द्धन मञ्च नेपाल’को आयोजनामा यही जेठ ५, ६ र ७ गते काठमाडौंको नयाँ बानेश्वरस्थित एनबी (नयाँ बानेश्वर) सेन्टरमा रहेको उमोजा कफीमा प्रदर्शनी हुन लागेको हो।

प्रदर्शनीमा फोटोग्राफर पृथ्वी पुन (बल्कुराम)ले खिचेका रोल्पाको कला, संस्कृति, परम्परा, इतिहास, पर्यटन विकास र प्राकृतिक सौन्दर्यता झल्काउने ३५ वटाभन्दा बढी फोटोहरु रहने पर्यटन प्रवर्द्धन मञ्च नेपालले जनाएको छ।

मञ्चका अनुसार रोेल्पाको इतिहास, प्रकृति र सांस्कृतिको उजार गर्दै पर्यटन विकासमा टेवा पुर्‍याउने उद्देश्यले फोटो प्रदर्शनी गर्न लागिएको हो।

फोटो प्रदर्शनीको उद्घाटन जेठ ५ गते सोमबार दिउँसो ३ बजे पूर्वमन्त्री वर्षमान पुनबाट हुनेछ। फोटो प्रदर्शनीको क्रममा रोल्पाका पर्यटकीयस्थलहरुको चर्चा र पर्यटन विकासबारे अन्तरक्रियासमेत हुने फोटोग्राफर पुनले जनाएका छन्।

प्रकाशित मिति: आइतबार, जेठ ४, २०८२ ०९:२०

प्रतिक्रिया दिनुहोस्