होटलमा सफल बाराही ग्रुप अब हाउजिङमा प्रवेश, पोखरामा कोलोनी बनाउँदै

पर्यटन

गृहपृष्ठ
पर्यटन

होटलमा सफल बाराही ग्रुप अब हाउजिङमा प्रवेश, पोखरामा कोलोनी बनाउँदै

क्यापिटल नेपाल बिहीबार, फागुन २२, २०७६

काठमाडौं । सेवा क्षेत्रमा ख्याति प्राप्त बाराही ग्रुपले हाउजिङ क्षेत्रमा पनि प्रवेश गरेको छ । पोखरा, चितवन र काठमाडौंमा बाराही ब्राण्डबाट होटल सञ्चालन गर्दै आएको यो ग्रुपले पोरखाबाट हाउजिङ व्यवसाय सुरु गरेको हो ।

बाराही होम्स पोखराको सेडीमा १० रोपनी क्षेत्रफलमा कोलोनी निर्माण गरिरहेको होटल बाराहीका कार्यकारी निर्देशक विप्लब पौडेलले जानकारी दिए । उनका अनुसार हाउजिङमा ११ ओटा घर तयार भइसकेको छ ।

४ ओटा बेड रुम सहितको कोलोनीमा निर्माण भएको घरको डिजाइन अनुसार न्यूनतम ४ करोड रुपैयाँ तोकिएको छ । हाउजिङ भित्रका प्रत्येक घर ६ आना क्षेत्रफलमा निर्माण भएका छन् । २०७७ बैशाखबाट निर्माण भएका हाउजिङ बिक्री गर्ने तयारी कम्पनीको रहेको छ । सुरुवाती चरणमा ११ ओटा तयार भएपनि अझै ३ ओटा घर थप भएर कुल १५ ओटा बनाइने उनले जानकारी दिए ।

पोखरा लेकसाइडबाट करिब १ किलोमिटर टाढा रहेको हाउजिङमा शान्त वातावरण चाहनेको लागि उपयुक्त भएको पौडेलले बताए । उनले भने ‘पछिल्लो समय पोखरामा जनघनत्व बढेसँगै होहल्ला र वायु प्रदुशनबाट टाढा बस्न चाहनेहरुलाई लक्षित गरी यो हाउजिङ तयार पारिएको हो ।’

अहिले पोखरामा जग्गा किनेर घर बनाउनु भन्दा निर्माण भइसकेकामे घर खरिद गर्दा सस्तो पर्ने उनको भनाई छ । होटल र हाउजिङ दुवै सेवा क्षेत्रसँगै सम्बन्धीत भएकोले नयाँ क्षेत्र भए पनि खासै समस्या नभएको उनले बताए । पहिलो चरणमा काम सकिएपछि हाउजिङ थप गर्दै जाने ग्रुपको तयारी छ ।

हाउजिङसँगै बराही ग्रुपले सोहि ठाउँमा १ सय ५० कोठाको पाँच तारे होटल निर्माण गर्ने भएको छ । कुल ६० रोपनी क्षेत्रफलमा होटल निर्माण गर्न लागिएको पौडेलले जानकारी दिए । उनका अनुसार होटल निर्माण कार्य शुरुवाती चरणमा रहेको छ ।