सेयर बजारमा आएको गिरावटप्रति सेयर लगानीकर्ता संघको ध्यानाकर्षण

मुख्य समाचार

गृहपृष्ठ
मुख्य समाचार

सेयर बजारमा आएको गिरावटप्रति सेयर लगानीकर्ता संघको ध्यानाकर्षण

क्यापिटल नेपालमंगलबार, फागुन २७, २०७६

काठमाडौं । सेयर बजारमा पछिल्ला दिनमा भइरहेको गिरावटप्रति सेयर लगानीकर्ता संघले गम्भिर ध्यानाकर्षण गरेको छ । मंगलबार विज्ञप्ति जारी गरी उनीहरुले विगत केही दिनदेखि सेयर बजारमा आएको लगातारको गिरावटले आफूहरुलाई मर्माहत र चिन्तत बनाएको भन्दै नेपाल इन्भेटर्स फोरम र सेयर लगानीकर्ता संघले नेपालको समग्र आर्थिक अवस्थामा कुनै खास नकारात्मक परिवर्तन नदेखिएको र सेयर बजारलाई असर गर्ने कुनै गतिविधि नभएको अवस्थामा बजारप्रति आएको निरासापनले आफूहरुलाई गम्भीर बनाएको बताएका छन् ।

उनीहरुले सेयर बजारका नियामकहरुको सुधारका कार्यक्रम क्रमसः कार्यान्वयनको क्रममा रहेको पुँजी बजारमा कारोबार हुने कम्पनीहरुको नाफामा कुनै नकारात्मक असर नदेखिएकोले सेयर लगानीकर्ताहरु संयमित र धैय हुनु जरुरी रहेको बताएको छ ।

दुवै संगठनले नियामक निकायहरुले यस्ता प्रवृत्तिको कारण र अवस्थाबारे गम्भीर विश्लेषण गरी समस्या समाधानको उपायहरु कार्यान्वयन गर्न र पुँजीबजारमा सुधार ल्याउन आग्रह पनि गरेका छन् ।

प्रकाशित मिति: मंगलबार, फागुन २७, २०७६ १८:२९

प्रतिक्रिया दिनुहोस्