५ हजार ४ सयसम्म बढ्यो हवाई भाडा, काठमाडौं–धनगढी सबैभन्दा महँगो

पर्यटन

गृहपृष्ठ
पर्यटन

५ हजार ४ सयसम्म बढ्यो हवाई भाडा, काठमाडौं–धनगढी सबैभन्दा महँगो

क्यापिटल नेपाल बुधबार, चैत १८, २०८२

काठमाडौं। नेपाल आयल निगमले हवाई इन्धनको मूल्य बढाएसँगै एयरलाइन्सको भाडा बढेको छ। अव नयाँ मूल्य अनुसार सबैभन्दा बढी काठमाडौंबाट धनगढी उडान गर्दा ५ हजार ४ सय ८० रुपैयाँ बढी शुल्क तिर्नुपर्ने भएको हो।

नेपाल आयल निगमले इन्धनको मूल्य बढेसँगै वायुसेवा कम्पनीहरूको सहकार्यमा नेपाल नागरिक उड्डयन प्राधिकरणले इन्धन चार्ज शुल्क बढाउँदै संस्कृति, पर्यटन तथा नागरिक उड्डयन मन्त्रालयमा सिफारिस गरेको हो। सिफारिस गरिएको भाडामा मन्त्रालयले सहमति दिएको छ।

योसँगै माउन्टेन उडानको भाडा ४ हजार २ सय २५ सय रुपैयाँले बढेको छ। यसैगरी काठमाडौं-धनगढीको ५ हजार ४ सय ८० रुपैयाँ हवाई भाडा बढ्ने भएको छ।

काठमाडौंबाट भद्रपुरको ३ हजार ७ सय २५, विराटनगरको २ हजार ९ सय ८०, सिमरा १ हजार १ सय २०, राजविराज २ हजार ५ सय ४०, जनकपुर १ हजार ६ सय, तुम्लिङटार २ हजार २ सय ९०, चितवन १ हजार ३ सय ३०, भैरहवा २ हजार ५ सय ५५, नेपालगञ्ज ४ हजार ४५, सुर्खेत ४ हजार २ सय ८५ र पोखराको भाडा १ हजार ९ सय ७० रुपैयाँ भाडा बढ्ने भएको छ।नेपाल आयल निगमले आन्तरिक हवाई इन्धन प्रतिलिटर १ सय २४ रुपैयाँले बढाउँदै प्रतिलिटर २ सय ५१ रुपैयाँ बनाएको थियो।

प्रकाशित मिति: बुधबार, चैत १८, २०८२ १६:३२

प्रतिक्रिया दिनुहोस्