माओवादी सत्ता र प्रतिपक्ष दुवै भूमिकामा : पुष्पकमल दाहाल

राजनीति

गृहपृष्ठ
राजनीति

माओवादी सत्ता र प्रतिपक्ष दुवै भूमिकामा : पुष्पकमल दाहाल

क्यापिटल नेपालमंगलबार, असार ३, २०८२

काठमाडौं। नेकपा (माओवादी केन्द्र)का अध्यक्ष पुष्पकमल दाहालले सत्तापक्ष र प्रतिपक्ष दुवैको भूमिकामा रहेको बताएका छन्। आज चितवनको नारायणगढमा पत्रकारसँगको अन्तरक्रियामा अध्यक्ष दाहालले संख्याले माओवादी प्रतिपक्ष भए पनि अहिले सत्तापक्षको पनि भूमिका रहेको बताएका हुन्।

उनले भने, ‘संख्याले हामी प्रतिपक्ष हो। तर, अहिले एकैसाथ सत्तापक्ष र प्रतिपक्षको पनि भूमिका खेल्नुपरेको छ। भिजिट भिसा प्रकरणमा माओवादी केन्द्रले त्यही दायित्वबोध गरेर सत्तापक्षसँग दुईबुँदे सहमति गरेर संसद् अवरोध नगरेको हो।’

अध्यक्ष दाहालले सत्तापक्षलाई राजावादीबारे खासै टेन्सन भएको नदेखिएको बताए। ‘माओवादी अभियान लिएर देशका विभिन्न ठाउँमा गइरहँदा पनि आजै नारायणहिटी पस्छौं भोलि पस्छौं भन्ने हल्ला चलाइयो। सरकारसँग असन्तुष्ट मान्छे पनि जोडिन थालेपछि हाम्रो जिम्मेवारी छ भनेर अभियान छाडेर काठमाडौं आयौं। सरकारले गर्ला कि सत्तापक्षले गर्ला कि भनेर हेरेर बस्ने हाम्रो भूमिका होइन। हामी गोरुगाडावाला सिद्धान्तवाला होइनौं,’ उनले भने।

संघीय निजामती ऐन, विद्यालय शिक्षा ऐन, नागरिकतासम्बन्धी ऐन, शान्ति प्रक्रियासँग सम्बन्धि बाँकी काम पनि टुंग्याउनुपर्ने र भिजिट भिसा प्रकरणको छानबिनलाई पनि नछाड्ने गरी सहमति गरिएको उनको भनाइ छ।

प्रकाशित मिति: मंगलबार, असार ३, २०८२ ११:०५

प्रतिक्रिया दिनुहोस्