प्रथम शुल्कसँगै नवीकरण शुल्क-म्यादी जीवन बिमा शुल्कलाई अनिवार्य गर्न निर्देशन

बैंकिङ

गृहपृष्ठ
बैंकिङ

प्रथम शुल्कसँगै नवीकरण शुल्क-म्यादी जीवन बिमा शुल्कलाई अनिवार्य गर्न निर्देशन

क्यापिटल नेपाल सोमबार, असार ३०, २०८२

काठमाडौं। नेपाल बिमा प्राधिकरणले जीवन बिमा कम्पनी र लघुजीवन बिमा कम्पनीलाई आगामी आर्थिक वर्षका लागि आ-आफ्ना मातहतका कर्मचारी, विभाग, प्रादेशिक कार्यालय र शाखा तथा उपशाखा कार्यालयलाई व्यवसायिक लक्ष्य (आवधिक रूपमा तय गर्ने मासिक, त्रैमासिक, अर्धवार्षिक र वार्षिक लक्ष्य) निर्धारण गर्दा प्रथम बिमा शुल्कका अतिरिक्त नवीकरण बिमा शुल्क तथा म्यादी जीवन बिमा शुल्कलाई पनि अनिवार्य समावेश गर्न निर्देशन दिएको छ।

प्राधिकरणले सबै जीवन बिमा कम्पनी र लघुजीवन बिमा कम्पनीलाई जारी गरेको परिपत्रमा ‘आगामी आर्थिक वर्षका लागि आफ्ना मातहतका कर्मचारी, उपशाखा÷शाखा÷प्रादेशिक कार्यालय र विभागलाई व्यवसायिक लक्ष्य निर्धारण गर्दा प्रथम बिमा शुल्कका अतिरिक्त नवीकरण बिमा शुल्क तथा म्यादी जीवन बिमा शुल्कलाई समेत अनिवार्य समावेश गर्ने गरी निर्धारण गर्न’ निर्देशन दिएको उल्लेख छ।

बीमकहरूले मातहतका कर्मचारी र विभाग तथा कार्यालयलाई व्यवसायिक लक्ष्य निर्धारण गर्दा सावधिक र एकल बिमा शुल्क भुक्तानी हुने बिमा लेखहरूलाई मात्र प्राथमिकता दिने गरेका गुनासा आउने गरेको, बीमक ठूलो रकमको बिमा शुल्क संकलनमा केन्द्रित हुँदा बिमाको पहुँच न्यून आय भएका वर्गसम्म पुग्न नसकेको, बिमा अवधि नपुग्दै बिमा लेख व्यतित तथा समर्पण हुनेलगायतका समस्या देखा परेको भन्दै यस्तो निर्देशन दिएको हो।

प्रकाशित मिति: सोमबार, असार ३०, २०८२ १५:५४

प्रतिक्रिया दिनुहोस्