कर्णाली प्रदेशसभाको छैटौं अधिवेशन अन्त्य, ३४ पटक बैठक बसे, एउटा विधेयक पारित

राजनीति

गृहपृष्ठ
राजनीति

कर्णाली प्रदेशसभाको छैटौं अधिवेशन अन्त्य, ३४ पटक बैठक बसे, एउटा विधेयक पारित

क्यापिटल नेपालबिहीबार, साउन २२, २०८२

कर्णाली। कर्णाली प्रदेशसभाको छैटौं अधिवेशन अन्त्य भएको छ। कर्णाली प्रदेश सरकारको बुधबारको मन्त्रिपरिषद् बैठकले प्रदेशसभाको दोस्रो कार्यकालको छैटौं अधिवेशन अन्त्य गर्न कर्णाली प्रदेश प्रमुखसमक्ष सिफारिस गर्ने निर्णय गरेको थियो।

अधिवेशन अन्त्यका लागि मुख्यमन्त्री कार्यालयबाट प्राप्त सिफारिसअनुसार कर्णाली प्रदेश प्रमुख यज्ञराज जोशीले नेपालको संविधानको धारा, १८३ को उपधारा २ बमोजिम कर्णाली प्रदेशसभाको दोस्रो कार्यकालको चालू छैटौं अधिवेशन बुधबार राती १२ बजेदेखि अन्त्य गरेको जानकारी सभामुख नन्दा गुरुङले दिइन्।

चालू छैटौं अधिवेशनमा ३४ बैठक बसी ६४ घन्टा ४२ मिनेट ४० सेकेन्ड समय सभामा व्यतीत भएको उनको भनाइ छ। उनका अनुसार प्रदेशसभाको दोस्रो कार्यकालको छैटौं अधिवेशनको ३४औं बैठकबाट कर्णाली प्रदेश जीवनाशक विषादी व्यवस्थापन सम्बन्धमा व्यवस्था गर्न बनेको विधेयक पारित भएको छ।–रासस

प्रकाशित मिति: बिहीबार, साउन २२, २०८२ ०७:०१

प्रतिक्रिया दिनुहोस्