घरमा तरकारी सकियो ? चिन्ता नलिनुस्, तपाईको घर छउमै आउँदै छाैं

मुख्य समाचार

गृहपृष्ठ
मुख्य समाचार

घरमा तरकारी सकियो ? चिन्ता नलिनुस्, तपाईको घर छउमै आउँदै छाैं

क्यापिटल नेपालसोमबार, चैत १७, २०७६

काठमाडौं । गोल्यान ग्रुपले अग्र्यानिक तरकारीको घुम्ती सेवा सुरु गरेको छ । आफैले माटो ब्रान्डमा उत्पादन गरेको तरकारीको घुम्ती सेवा सुरु गरेको ग्रुपले जनाएको छ ।

मुलक लडडाउन पछि घर घरमा तरकारी पुर्याउने उद्देश्यले ग्रुपले घुम्ती सेवा सुरु गरेको गोल्यान ग्रुपका निर्देशक अक्षय गोल्यानले बताए । ‘राजधानीका विभिन्न ठाउँमा घुम्ती सेवा दिइरहेका छौं, एउटा ठाउँमा अतिकतम १ घण्टा बसेर सेवा दिन्छौं,’ गोल्यानले भने, ‘राजधानीका ८ ठाउँमा बसेर सेवा दिँदै आएका छौं ।

तरकारी किन्न जान समेत नपाएका उपभोक्तालाई यसले ठूलो राहत पुर्याउने उत्पादकले बताएका छन् । ‘एकातिर अग्र्यानिक तरकारी खान पाइयो भने अर्को तिर घर छेउमै उपलब्ध पनि हुन्छ,’ उनले भने ।

ग्रुपले झम्सीखेलको आर्मी व्यारेकमा बिहान ८ बजेदेखि ९ बजेसम्म, वेस्टार रेसिडेन्सी बालकुमारीमा ९ः१५ देखि १०ः १५ सम्म, वत्तिसपुतलीको नेपाल इन्भेष्टमेन्ट बैङ्कको अपोजिटमा १०ः३० देखि ११ः३० सम्म, ज्ञानेश्वर चोकमा ११ः४५ देखि १२ः४५ सम्म, नक्सालको भाटभाटेनीमा १ बजेदेखि २ बजेसम्म, चुनदेवीको मुख्य चोकमा २ः१५ देखि ३ः१५ सम्म, पवित्र चोक बालुवाटारमा ३ः३० देखि ४ः३० सम्म र सोल्टीमोडमा ४ः४५ देखि ५ः४५ सम्म घुम्ती सेवा सुरु गरेको ग्रुपले जनाएको छ ।