सङ्कटापन्न जातका माछा संरक्षणको अभियानमा परशुराम नगरपालिका

कृषि

गृहपृष्ठ
कृषि

सङ्कटापन्न जातका माछा संरक्षणको अभियानमा परशुराम नगरपालिका

क्यापिटल नेपाल बिहीबार, असार २६, २०७६

डडेल्धुरा । डडेल्धुराको रङ्गुन नदीमा माछा संरक्षण अभियान सुरु हुने भएको छ । डडेल्धुराको भित्री मधेशमा पर्ने रङ्गुन नदीमा माछा संरक्षण तथा सम्बद्र्धनको व्यवस्था गरेर व्यवस्थित माछापालन अभियान अगाडि बढाइने भएको हो ।

परशुराम नगरपालिका क्षेत्रभित्र पर्ने रङ्गुन खोला तथा जलाधार क्षेत्रमा सङ्काटापन्न जातको माछापालनलाई समुदायको जीविकोपार्जनसँगै जोड्दै संरक्षणको अभियान चलाइन लागेको नगरपालिका जनाएको छ ।

जथाभावी माछा मार्ने परम्परागत प्रचलनलाई रोक्दै नगरपालिकाले व्यवस्थित गर्न लागेकोमा स्थानीयवासीले पनि सकारात्मक रूपमा लिएका छन् ।

माछाको संरक्षण सुनिश्चित गर्न नदी क्षेत्रका जनतालाई विषादी प्रयोग नगर्न र लोप भइरहेका माछालाई संरक्षण गर्न जनचेतनामूलक कार्यक्रम गरेपछि जोखिममा रहेका ५२ प्रजातिका माछा संरक्षण हुने बताइएको छ । रङ्गुन खोला तथा जलाधार क्षेत्रका आम नागरिकको सुविधा र जीविकोपार्जन कार्यक्रमका लागि जलचर एवं जलीय जैविक विविधता संरक्षण ऐन, २०७५ को दफा ४२ बमोजिम आवश्यक निर्देशिकामा व्यवस्था जारी गरिने नगरपालिकाले जनाएको छ । रासस

प्रकाशित मिति: बिहीबार, असार २६, २०७६ ०९:४९

प्रतिक्रिया दिनुहोस्