निगमले मोवाईल भ्यानमार्फत अत्यावश्यक १२ क्षेत्रमा ग्यास पुर्याउँदै

मुख्य समाचार

गृहपृष्ठ
मुख्य समाचार

निगमले मोवाईल भ्यानमार्फत अत्यावश्यक १२ क्षेत्रमा ग्यास पुर्याउँदै

क्यापिटल नेपालबुधबार, चैत १९, २०७६

काठमाडौं । नेपाल आयल निगमले अत्यावश्यक क्षेत्रमा मोवाईल भ्यान मार्फत ग्यास वितरण गरिरहेको छ । ग्यास नपाएरै चुल्हो बाल्न नसक्ने अवस्थामा रहेकाहरुलाई लक्षित गरी निगमले मंगलबारदेखी ग्यास वितरण गर्न थालेको हो ।

निगमका प्रवक्ता विनितमणी उपाध्यायले सरकारले पहिचान गरेको १२ क्षेत्रमा ग्यास वितरण गरिरहेको जानकारी दिए । मंगलबार ८७ वटा विभिन्न कम्पनीका सिलिण्डर वितरण गरिएको उनले बताए ।

अस्पताल, बृद्धाआश्रम, दिर्घरोगी विरामी, असाय , फरक क्षमता भएका, बालआश्रम पुर्नरउथ्थान केन्द्र, सरकारले तोकेको सुधारगृह, कारागार, निशुल्क भोज गराउने संस्था, सरकारले तोकेको क्वाराइन्टाइनहरु, अत्यावश्यक काममा खटिएका मजदुर र कर्मचारीहरुलाई ग्यास वितरण गरिने छ ।

यी क्षेत्रका व्यक्तिहरुलाई ग्यास अभाव नहोस भन्ने उद्धेश्यले उनिहरुकै सहजताको लागि मोवाईल भ्यानको सुरुवाती गरिएको हो ।
यो अभियान लक डाउन भरी सञ्चालनमा आउने छ । निगमको कर्मचारी सघंका अध्यक्ष गोपाल चन्द्र राई र नेपाल स्वतन्त्र कर्मचारी युनियनका अध्यक्ष विकास बखतीलाई मोवाईल भ्यानको जिम्मेवारी तोकिएको छ ।

प्रकाशित मिति: बुधबार, चैत १९, २०७६ ०९:२३

प्रतिक्रिया दिनुहोस्