जेनजी आन्दोलनमा खोसिएका हतियार सेनाको जिम्मा

राजनीति

गृहपृष्ठ
राजनीति

जेनजी आन्दोलनमा खोसिएका हतियार सेनाको जिम्मा

क्यापिटल नेपाल बुधबार, भदौ २५, २०८२

काठमाडौं। मंगलबारको झडपमा सुरक्षाकर्मीबाट युवाहरूले खोसेका झण्डै दुई दर्जन हतियार नेपाली सेनाको जिम्मा लगाइएको छ।

पछिल्लो जानकारीअनुसार भक्तपुरको लोकन्थलीमा गस्तीमा रहेका सेनालाई समेत केही युवाहरूले आफूसँग रहेका हतियार बुझाएका छन्। सैनिक जनसम्पर्क निर्देशनालयका अनुसार हालसम्म विभिन्न स्थानबाट २३ थान हतियार फिर्ता गरिएको छ।

साथै, लुटपाटमा परेका ३३ लाख ७० हजार रुपैयाँ नगद र सञ्चार उपकरणहरू पनि सेनाले संकलन गरेको जनाएको छ। मंगलबारको प्रदर्शनका क्रममा आक्रोशित समूहले प्रहरीलाई कुटपिट गर्नुका साथै हतियार खोस्नु, सरकारी कार्यालयमा तोडफोड र आगजनी गर्नुजस्ता गतिविधि गरेका थिए। घटनापछि मंगलबार राति १० बजेदेखि सुरक्षा कमाण्ड सेनाले सम्हालेको हो।

सेनाले लुटपाट र आक्रमणमा संलग्न व्यक्तिहरूलाई नियन्त्रणमा लिएको जनाएको छ। साथै, विभिन्न क्षेत्रमा गस्ती तीव्र पारिएको छ। सेनाको गस्ती टोलीलाई युवाहरूले आफूसँग रहेका हतियार बुझाएको जनाइएको छ।

प्रकाशित मिति: बुधबार, भदौ २५, २०८२ १२:२१

प्रतिक्रिया दिनुहोस्