सुशीला कार्कीको डरले भाग्दिनँ- केपी ओली

राजनीति

गृहपृष्ठ
राजनीति

सुशीला कार्कीको डरले भाग्दिनँ- केपी ओली

क्यापिटल नेपाल बिहीबार, असोज २३, २०८२

काठमाडौं। नेकपा एमालेका अध्यक्ष केपी ओलीले अहिलेको सरकारमाथि खरो टिप्पणी गरेका छन्। भक्तपुरमा आयोजित एक कार्यक्रमलाई सम्बोधन गर्दै उनले सुशीला कार्की नेतृत्वको सरकार संविधानविपरीत बनेको दाबी गरे।

‘अहिलेका प्रधानमन्त्रीले प्रधानमन्त्री बन्नका लागि शर्त राख्नुभयो, संसद् विघटन भए मात्रै बन्छु, नत्र देशमा जेनजीले आगो बाल्छन्,’ उनले भने, ‘लोकतन्त्रको जग भत्काउने शर्तमा प्रधानमन्त्री हुनु भयो।’

ओलीले आफू प्रधानमन्त्री बन्नका लागि कार्कीले २३ र २४ गते जेनजी बनेर सडकमा उत्रिएको टिप्पणी गरे। उनले थपे, ‘यो सरकार नेपालीको होइन, अरू कसको हो भन्ने थाहा छैन, उहाँहरू एउटा खास उद्देश्यले काम गरिराख्नुभएको छ, कहिले केपी ओलीलाई पक्राउ गर्न राति ३ बजेसम्म बैठक गर्ने, कहिले केपी ओलीको पासपोर्ट रोक्ने अनि कहिले केपी ओलीलाई उपत्यका बाहिर जान नदिने यस्तो तमासा नगर्नू, यस्ता सडक तमासाले डराउने मान्छे होइन केपी ओली, सुशीला कार्कीको डरले भाग्छ केपी ओली?’