हरिबोधनी एकादशीः चाँगुनारायणमा दर्शनार्थीको भीड (तस्बिरसहित)

फोटो फिचर

गृहपृष्ठ
फोटो फिचर

हरिबोधनी एकादशीः चाँगुनारायणमा दर्शनार्थीको भीड (तस्बिरसहित) हरिशयनी एकादशीका दिन घर–घरमा रोपेर विशेष पूजा गरिएको तुलसीको मठमा गाईको गोबर र रातो माटोले पोतेर सिँगारी फूल मालाले सजाएर आज विवाह गरिन्छ।

क्यापिटल नेपाल शनिबार, कात्तिक १५, २०८२

आज हरिबोधिनी एकादशी। हरेक वर्ष कार्तिक शुक्ल एकादशीका दिनमा भगवान् विष्णुको प्रतीकका रूपमा तुलसीको दामोदरसँग विवाह र विशेष पूजा गरी हरिबोधिनी एकादशी मनाइने प्रचलन छ।

आषाढ शुक्ल एकादशी अर्थात् हरिशयनी एकादशीका दिनमा क्षीरसागरमा सुतेका विष्णु ब्युँझिने भएकाले आजको एकादशीलाई हरिबोधिनी वा प्रबोधिनी एकादशी पनि भनिन्छ।

हरिशयनी एकादशीका दिन घर–घरमा रोपेर विशेष पूजा गरिएको तुलसीको मठमा गाईको गोबर र रातो माटोले पोतेर सिँगारी फूल मालाले सजाएर आज विवाह गरिन्छ।

तुलसी विष्णुप्रिया भएकाले यस दिन तुलसीको दामोदरसँग विवाह गर्ने परम्परा बसेको हो। तुलसीको मठ नजिकै विष्णुको प्रतीकका रूपमा निगालाको लिंग गाडेर विधिपूर्वक पूजा गरिन्छ।

आजका दिन विशेषगरी काठमाडौं उपत्यकाको चाँगुनारायण, इचंगुनारायण, शेषनारायण, विसंखुनारायण र बूढानीलकण्ठमा मेला लाग्ने गर्दछ। तस्बिरमा चाँगुनारायण मन्दिरमा झरीको समय पनि दर्शनका लागि श्रद्धालुको भीड।

Chagunarayan_Ekadashi_-(2)-1761968738.jpg