सानेपामा कांग्रेस केन्द्रीय समिति बैठक, पुस/वैशाखका महाधिवेशन कार्यतालिकामाथि छलफल

राजनीति

गृहपृष्ठ
राजनीति

सानेपामा कांग्रेस केन्द्रीय समिति बैठक, पुस/वैशाखका महाधिवेशन कार्यतालिकामाथि छलफल

क्यापिटल नेपाल बिहीबार, कात्तिक २०, २०८२

काठमाडौं। मंसिरमा सकिने केन्द्रीय कार्यसमितिको अवधिपछि महाधिवेशनलाई लिएर दुई चिरामा विभक्त कांग्रेसको मुख्यालय सानेपामा केन्द्रीय कार्यसमिति बैठक आज पनि बसिरहेको छ।

बैठकमा सहभागी सदस्यले महामन्त्री गगन थापा र सह–महामन्त्री महेन्द्र यादवले पेस गरेका महाधिवेशनसम्बन्धी छुट्टाछुट्टै कार्यतालिका, जेनजी आन्दोलन, आगामी निर्वाचनलगायत विषयमा आ–आफ्ना धारणा राखिरहेका छन्।

कांग्रेसमा संस्थापन सभापति शेरबहादुर देउवा निकट सहमहामन्त्री यादवले महाधिवेशन वैशाख २७ देखि ३० सम्म गर्ने प्रस्तावसहितको कार्यतालिका पेस गरेका छन् भने संस्थापन इतर शेखर कोइराला पक्षबाट महामन्त्री थापाले आगामी पुस १६ देखि १९ सम्म १५औं महाधिवेशन गरिनुपर्ने उल्लेख गरेका छन्।

कांग्रेसमा महाधिवेशनलाई लिएर सहमति जुट्न सकेको छैन। गत असोज १८ बाट सुरु केन्द्रीय कार्यसमिति बैठकमा सदस्यले महाधिवेनबारे पक्ष–विपक्षमा मत जाहेर गरेका छन्।

महाधिवेशनलाई लिएर कांग्रेसको संस्थापन पक्षभित्र पनि सहमति हुन सकेको छैन। यसै सन्दर्भमा आज नियमित महाधिवेशनका लागि दबाब दिन बत्तीसपुतलीस्थित अनुपम फुडल्यान्डमा संस्थापन पक्षले भेला आयोजना गरेको छ। भेलाको अगुवाइ सभापति देउवा र कृष्णप्रसाद सिटौला पक्षका नेताहरुले गरेका छन्।

प्रकाशित मिति: बिहीबार, कात्तिक २०, २०८२ १४:०९

प्रतिक्रिया दिनुहोस्