यातायात विभागलाई १०५६ थान लाइसेन्स हस्तान्तरण, तपाईंको नाम छ कि? (सूचनासहित)

पूर्वाधार

गृहपृष्ठ
पूर्वाधार

यातायात विभागलाई १०५६ थान लाइसेन्स हस्तान्तरण, तपाईंको नाम छ कि? (सूचनासहित)

क्यापिटल नेपाल शुक्रबार, मंसिर १९, २०८२

काठमाडौं। लाइसेन्स छपाइ जिम्मा पाएको मुद्रण विभाग (सेक्युरिटी प्रिन्टिङ प्रेस)ले यातायात व्यवस्था विभागलाई दोस्रो लटमा १०५६ लाइसेन्स हस्तान्तरण गरेको छ। सुरक्षण मुद्रण केन्द्रले मंसिर ११ सम्म छापेका लाइसेन्स दोस्रो चरणमा व्यवस्था विभागलाई हस्तान्तरण गरेको हो।

यसअघि सेक्युरिटी प्रिन्टिङ प्रेसले पहिलो चरणमा विभागलाई पहिलो पटक ५२० थान लाइसेन्स हस्तान्तरण गरेको थियो।
क्यूआर कोडसहितको लाइसेन्स परीक्षण सफल भएसँगै केन्द्रका कार्यकारी निर्देशक देवराज ढुंगानाले विभागका सूचना तथा प्रविधि निर्देशक केशव खतिवडालाई लाइसेन्स हस्तान्तरण गरेका हुन्।

विभागले पछिल्लो पटक लाइसेन्स आवेदन दिएका ग्राहकलाई फेसबुकबाटै जानकारी दिने गरेको छ। लाइसेन्स छपाइका लागि केन्द्र र विभागबीच गत कात्तिक १२ मा सम्झौता भएको थियो।

केन्द्रले ६ महिनाभित्र १२ लाख थान लाइसेन्स विभागलाई उपलब्ध गराउनुपर्नेछ। काभ्रेको पनौती नगरपालिका–५ मा रहेको सुरक्षण मुद्रण केन्द्रको भवनमा गत कात्तिक २१ देखि लाइसेन्स छपाइ सुरु भएको थियो।