सहसचिव गिरीलाई ‘सर्वोत्कृष्ट संसद् सेवा पुरस्कार’

समाज

गृहपृष्ठ
समाज

सहसचिव गिरीलाई ‘सर्वोत्कृष्ट संसद् सेवा पुरस्कार’

क्यापिटल नेपाल आइतबार, मंसिर २८, २०८२

काठमाडौं। संघीय संसद् सचिवालयले उत्कृष्ट कार्य सम्पादन गरेका चार जना कर्मचारीलाई पुरस्कृत गरेको छ। सभामुख देवराज घिमिरे र राष्ट्रियसभा अध्यक्ष नारायणप्रसाद दाहालले १९ औँ संसद्सेवा दिवसका अवसरमा आज आयोजित कार्यक्रममा उनीहरुलाई पुरस्कार प्रदान गरेका हुन्।

सचिवालयले सहसचिव मनोजकुमार गिरीलाई सर्वोत्कृष्ट ‘संसद्सेवा पुरस्कार’, शाखा अधिकृत जयराम खड्कालाई ‘उत्कृष्ट संसद्सेवा पुरस्कार’ तथा प्रविधिक नायब सुब्बा कृष्णकला पौडेल र कार्यालय सहायक गणेश महर्जनलाई ‘संसद्सेवा पुरस्कार’ प्रदान गरेको हो। पुरस्कारको राशि क्रमशः एक लाख, ७५ हजार र ५० हजार रहेको छ।

त्यसअवसरमा संसद् सेवाका अन्य चार जना माली, कुचिकार, चालक र कार्यालय सहयोगीलाई पनि प्रोत्साहन स्वरुप नगद पुरस्कार र प्रमाणपत्र प्रदान गरिएको थियो।

यसअघि कार्यक्रममा सभामुख घिमिरे र राष्ट्रियसभा अध्यक्ष दाहालले ‘संसद्सेवा’ स्मारिका विमोचन गरे। स्मारिकाको विज्ञका रुपमा सेवा गरेका राष्ट्रिय समाचार समिति (रासस)का आलेख शाखाप्रमुख कृष्ण अधिकारीलाई सम्मान गरे।

प्रकाशित मिति: आइतबार, मंसिर २८, २०८२ १६:४१