नेपाल बैंकद्वारा लाभांश नदिने निर्णय, लगातार तेस्रो वर्ष सेयरधनीको रित्तो हात

बैंकिङ

गृहपृष्ठ
बैंकिङ

नेपाल बैंकद्वारा लाभांश नदिने निर्णय, लगातार तेस्रो वर्ष सेयरधनीको रित्तो हात

क्यापिटल नेपाल शुक्रबार, पुस ४, २०८२

काठमाडौं। सरकारी स्वामित्वको नेपाल बैंकले गत आर्थिक वर्ष २०८१/८२ को नाफाबाट सेयरधनीलाई कुनै पनि लाभांश वितरण नगर्ने भएको छ। बैंक सञ्चालक समितिको पुस ३ मा बसेको बैठकले गत आर्थिक वर्षको मुनाफाबाट लाभांश प्रस्ताव नगर्ने निर्णय गरेको हो।
बैंकले पुस ४ मा नेपाल स्टक एक्सचेन्ज (नेप्से)लाई पत्र पठाउँदै यसबारे औपचारिक जानकारी गराएको छ।

बैठकले आर्थिक वर्ष २०८१/८२ को लेखापरीक्षण भएको वित्तीय विवरण पारित गरी अन्तिम स्वीकृतिका लागि राष्ट्र बैंकसमक्ष पेस गर्ने निर्णय गरेको छ। राष्ट्र बैंकबाट स्वीकृत भएपछि उक्त प्रतिवेदन आगामी वार्षिक साधारणसभामा पेस गरिनेछ ।

बैंकले लाभांश वितरण नगरेको लगातार तेस्रो वर्ष हो। यसअघि बैंकले आर्थिक वर्ष २०७९/८० र २०८०/८१ मा पनि सेयरधनीलाई कुनै लाभांश दिएको थिएन। बैंकको वितरणयोग्य मुनाफा ऋणात्मक रहेका कारण यस वर्ष पनि लाभांश घोषणा हुन नसकेको वित्तीय विवरणले देखाएका छन्।

हाल बैंकले २३१ शाखा, २३७ एटीएम र ६१ एक्सटेन्सन काउन्टरमार्फत वित्तीय सेवा दिँदै आएको छ।

प्रकाशित मिति: शुक्रबार, पुस ४, २०८२ ११:४०

प्रतिक्रिया दिनुहोस्