चुनावी वातावरण बनाउन प्रधानमन्त्रीले तीन दलका शीर्ष नेतासँग बैठक बस्ने

राजनीति

गृहपृष्ठ
राजनीति

चुनावी वातावरण बनाउन प्रधानमन्त्रीले तीन दलका शीर्ष नेतासँग बैठक बस्ने

क्यापिटल नेपाल शुक्रबार, पुस ११, २०८२

काठमाडौं। प्रधानमन्त्री सुशीला कार्कीले शनिबार बस्ने गरी प्रमुख तीन दलका शीर्ष नेताहरुसँग वार्ता बस्ने भएकी छन्। उनले नेपाली कांग्रेस, नेकपा एमाले र नेपाली कम्युनिष्ट पार्टीका शीर्ष नेताहरुसँग संयुक्त बैठक बस्ने गरी आह्वान गरेकी हुन्।

बैठकमा आगामी फागुन २१ गते हुने प्रतिनिधिसभा निर्वाचनको तयारीबारे हुने प्रधानमन्त्रीको सचिवालयले जनाएको छ। बैठकको तयारी स्वरुप सरकारका प्रवक्तासमेत रहेका सञ्चार तथा सूचना प्रविधि मन्त्री जगदीश खरेलले आज बिहान तीन दलका शीर्ष नेतासँग भेट गरेका थिए।

उनले कांग्रेस सभापति शेरबहादुर देउवा, एमाले अध्यक्ष केपी शर्मा ओलीलाई भेटिसकेका छन्। उनले आजै प्रचण्डलाई भेट्ने तयारीमा छन्।

प्रकाशित मिति: शुक्रबार, पुस ११, २०८२ १४:४३

प्रतिक्रिया दिनुहोस्