बालेनसँगको सहमतिपछि रविले भने- सहमति देशलाई चाहिएजस्तो हुनुपर्छ, नेतालाई होइन

राजनीति

गृहपृष्ठ
राजनीति

बालेनसँगको सहमतिपछि रविले भने- सहमति देशलाई चाहिएजस्तो हुनुपर्छ, नेतालाई होइन

क्यापिटल नेपाल आइतबार, पुस १३, २०८२

काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेले काठमाडौंका मेयर बालेन शाहसँग भएको राजनीतिक सहमति कुनै व्यक्तिगत स्वार्थ नभई मुलुकको आवश्यकता भएको बताएका छन्। आज बिहान भएको सात बुँदे सम्झौतापछि सामाजिक सञ्जाल फेसबुकमार्फत आफ्नो धारणा सार्वजनिक गर्दै लामिछानेले सहमति नेताले खोजेजस्तो नभई देशलाई चाहिएजस्तो हुनुपर्ने उल्लेख गरेका हुन्।

सहमतिअनुसार लामिछाने पार्टी सभापतिमा यथावत् रहनेछन् भने आगामी प्रतिनिधिसभाको निर्वाचनपछि बालेन शाहलाई संसदीय दलको नेता र भावी प्रधानमन्त्रीको उम्मेदवारका रूपमा अघि सारिनेछ। लामो संवाद र छलफलपछि बालेन शाह रास्वपाको नीति, झण्डा र चुनाव चिह्न ‘घण्टी’ स्वीकार गर्दै पार्टीमा आबद्ध हुन तयार भएपछि सहमति भएको हो। सम्झौतापत्रमा दुवै नेताले आ–आफ्नो पदीय हैसियत उल्लेख नगरी मौन बसेर केवल नाम मात्रै लेखेका छन्।

प्रकाशित मिति: आइतबार, पुस १३, २०८२ ०६:४४

प्रतिक्रिया दिनुहोस्