‘आत्मसम्मान नगुमाई वैकल्पिक शक्तिसँग सहकार्य गर्न तयार छौँ’

राजनीति

गृहपृष्ठ
राजनीति

‘आत्मसम्मान नगुमाई वैकल्पिक शक्तिसँग सहकार्य गर्न तयार छौँ’

क्यापिटल नेपाल आइतबार, पुस १३, २०८२

काठमाडाैं। उर्जामन्त्री एवं उज्यालो नेपाल पार्टीका संरक्षक कुलमान घिसिङले मुलुकको परिवर्तनका लागि सबै वैकल्पिक शक्ति एक हुनुपर्नेमा जोड दिएका छन्। पोखरामा आयोजित पार्टीको जिल्ला भेलालाई सम्बोधन गर्दै घिसिङले जनताले नयाँ र वैकल्पिक शक्तिबाट जनताले ठूलो अपेक्षा राखेकाले सबै पक्ष जिम्मेवार बन्नुपर्ने बताए।

हालै राष्ट्रिय स्वतन्त्र पार्टी (रास्वपा) सभापति रवि लामिछाने र काठमाडौंका मेयर बालेन शाहबीच भएको ७ बुँदे सहमतिमा आफ्नो पार्टी सहभागी नभए पनि सहकार्यको ढोका सधैँ खुला रहेको उनले स्पष्ट पारे।

सम्बोधनका क्रममा घिसिङले पार्टीको आत्मसम्मान र स्वाभिमानलाई कायम राखेर मात्रै अन्य शक्तिसँग सहकार्य वा कार्यगत एकता गर्न सकिने जिकिर गरे। ‘हामी कसैको अस्तित्व मेटिने गरी होइन, सम्मानजनक उपस्थितिसहित सहकार्य गर्न तयार छौँ,’ घिसिङले भने, ‘सकेसम्म एउटै केन्द्र बनाउने, नभए चुनावी कार्यगत एकता गरेर भए पनि जनताको चाहना पूरा गर्नुपर्छ।’

प्रकाशित मिति: आइतबार, पुस १३, २०८२ १२:५४

प्रतिक्रिया दिनुहोस्