‘संसद् भवन तोडिन दिएको भए कम्तीमा त्यतिका ज्यान जाने थिएन’

राजनीति

गृहपृष्ठ
राजनीति

‘संसद् भवन तोडिन दिएको भए कम्तीमा त्यतिका ज्यान जाने थिएन’

क्यापिटल नेपाल आइतबार, पुस २७, २०८२

काठमाडौं। नेपाली कांग्रेसका महामन्त्री विश्वप्रकाश शर्माले जेनजी आन्दोलनमा २३ भदौमा नवयुवाहरूको मृत्यु भएको घटना दुर्भाग्यपूर्ण भएको बताएका छन्।

विशेष महाधिवेशनको उद्घाटन समारोहलाई सम्बोधन गर्दै उनले जेनजी आन्दोलनमा संसद भवन जल्न दिँदा केही फरक नपर्ने बताए।

उनले भने, ‘जेनजी हाम्रै आँगनमा, हाम्रै काखमा हुर्के बढेका भाइबैनी हुन्। २३ गते केवल संसद् भवन तोडिन दिएको भए के फरक पर्थ्यो? कम्तीमा त्यतिका ज्यान जाने थिएन होला। भोलिपल्टको विध्वंश हुँदैनथ्यो।’

उनले गत भदौ २३ र २४ को घटनालाई निष्पक्ष छानबिन हुनुपर्ने बताए। उनले भने, ‘जेनजीको जिम्मा त्यहाँसम्म हुनुपर्छ, जहाँसम्म उनीहरूको सहभागिता थियो। आफू सहभागिता नभएको घटनामा जेनजी पुस्तालाई दोषारोपण गरिनु हुँदैन।’

प्रकाशित मिति: आइतबार, पुस २७, २०८२ १८:५३

प्रतिक्रिया दिनुहोस्