प्रतिनिधिसभा निर्वाचनः राष्ट्रपति र उपराष्ट्रपति मतदानमा सरिक भएनन्

राजनीति

गृहपृष्ठ
राजनीति

प्रतिनिधिसभा निर्वाचनः राष्ट्रपति र उपराष्ट्रपति मतदानमा सरिक भएनन्

क्यापिटल नेपाल बिहीबार, फागुन २१, २०८२

काठमाडौं। राष्ट्रपति र उपराष्ट्रपति प्रतिनिधिसभा सदस्य निर्वाचनअन्तर्गत आजको मतदानमा सहभागी भएनन्। संविधानका संरक्षकका रुपमा तटस्थता कायम गर्दै उनीहरुले मतदान नगरेका हुन्।

राष्ट्रपति रामचन्द्र पौडेल संविधानको संरक्षक र राष्ट्रकै अभिभावक भएकाले मतदानमा सहभागी नहुने निर्णय गरेको प्रेस सल्लाहकार किरण पोखरेलले जानकारी दिए।

राष्ट्रपति पौडेलले यसअघिका गृहजिल्ला तनहुँ, व्यास नगरपालिकास्थित सत्यवती मावि मतदान केन्द्रबाट मतदान गर्दै आआएका थिए। राष्ट्रपतिले मतदान नगरे पनि प्रथम महिला सविता पौडेलले आज व्यास नगरपालिका–२ सत्यवती मावि मतदान केन्द्रबाट मतदान गरेकी छन्।

उपराष्ट्रपति रामसहायप्रसाद यादवले संवैधानिक तटस्थताका कारण मतदान प्रक्रियामा सहभागी नभएको प्रेस सल्लाहकार दिनेश यादवले जानकारी दिए। उनले यसअघिका निर्वाचनमा बाराको बसबरीयास्थित मतदान केन्द्रबाट मतदान गर्दै आएका थिए।

प्रकाशित मिति: बिहीबार, फागुन २१, २०८२ १४:०७

प्रतिक्रिया दिनुहोस्