सीजी हस्पिटालिटी र मेगावर्ल्डले फिलिपिन्समा ५९ अर्ब लगानीको वेलनेस टाउनसिप साझेदारी

पूर्वाधार

गृहपृष्ठ
पूर्वाधार

सीजी हस्पिटालिटी र मेगावर्ल्डले फिलिपिन्समा ५९ अर्ब लगानीको वेलनेस टाउनसिप साझेदारी

क्यापिटल नेपाल बिहीबार, वैशाख ३, २०८३

काठमाडौं। सीजी हस्पिटालिटी ग्लोबलअन्तर्गत रहेको द फार्म फिलिपिन्स र फिलिपिन्सकै अग्रणी रियलस्टेट कम्पनी मेगावर्ल्ड कर्पोरेशनबीच ठूलो लगानी साझेदारी भएको छ।

दुवै कम्पनीले संयुक्त रुपमा करिब ४० करोड अमेरिकी डलर (झण्डै ५९ अर्ब रुपैयाँ) बराबरको सान बेनिटो प्राइभेट इस्टेट वेलनेस टाउनसिप परियोजना सुरु गर्ने घोषणा गरेका हुन्।

यो परियोजना फिलिपिन्समा वेलनेस र लक्जरी आतिथ्य क्षेत्रलाई लक्षित गर्दै विकास गरिनेछ। सान बेनिटो क्षेत्रलाई केन्द्रमा राखेर निर्माण हुने उक्त टाउनसिपमा वेलनेस रिसोर्ट, प्राइभेट भिल्ला, स्वास्थ्य तथा उपचार केन्द्र, हरित वातावरणसहितको आवासीय पूर्वाधार र उच्चस्तरीय आतिथ्य सेवा समावेश गरिने बताइएको छ।

सीजी हस्पिटालिटी ग्लोबलअन्तर्गत सञ्चालनमा रहेको ‘द फार्म’ विश्वस्तरमै वेलनेस पर्यटनका लागि परिचित ब्रान्ड हो। मेगावर्ल्ड कर्पोरेशनसँगको सहकार्यले परियोजनालाई अझ व्यापक र दीगो बनाउने अपेक्षा गरिएको छ।

दुवै कम्पनीका प्रतिनिधिबीच औपचारिक सम्झौता सम्पन्न भइसकेको छ। सम्झौतापछि परियोजनाको डिजाइन, योजना तथा निर्माण प्रक्रिया क्रमशः अघि बढाइने जनाइएको छ।

परियोजनालाई फिलिपिन्सको वेलनेस पर्यटन क्षेत्रमा महत्वपूर्ण उपलब्धिका रूपमा हेरिएको छ। अन्तर्राष्ट्रिय लगानी र आतिथ्य व्यवसाय विस्तारका दृष्टिले समेत महत्वपूर्ण कदम मानिएको छ।

प्रकाशित मिति: बिहीबार, वैशाख ३, २०८३ १९:१०

प्रतिक्रिया दिनुहोस्