वैदेशिक रोजगारीमा पठाइदिने भन्दै ठगी, तीन जना पक्राउ

समाज

गृहपृष्ठ
समाज

वैदेशिक रोजगारीमा पठाइदिने भन्दै ठगी, तीन जना पक्राउ

क्यापिटल नेपाल बिहीबार, वैशाख १०, २०८३

काठमाडौं। वैदेशिक रोजगारीमा आकर्षक तलबको प्रलोभन देखाउँदै पठाइदिन्छु भन्दै ठगी गरेको अभियोगमा प्रहरीले तीन जनालाई पक्राउ गरेको छ। पक्राउ पर्नेमा काठमाडौं महानगर १५ डल्लु बस्ने मकवानपुरका ३२ वर्षीय शक्ति लामा, काठमाडौं चन्द्रागिरी बस्ने उदयपुरका ४९ वर्षीय विष्णु बुढाथोकी र काठमाडौं कीर्तिपुर नगरपालिका १० बस्ने २८ वर्षीया सुस्मिता महर्जन छन्।

पक्राउमध्ये शक्तिले अजरवैजान र फिजी पठाइदिन्छु भन्दै ६ जनाबाट २६ लाख ६३ हजार रुपैयाँ, ब्रुनाई पठाइदिन्छु भन्दै विष्णुले १ जनाबाट ४ लाख ५० हजार रुपैयाँ र सुस्मिताले अष्ट्रिया पठाइदिन्छु भन्दै १ जना पीडित १७ लाख रूपैयाँ लिई सम्पर्कविहीन भएको उजुरीका आधारमा उनीहरूलाई पक्राउ गरेको हो।

अपराध अनुसन्धान कार्यालय टेकुबाट खटिएको प्रहरीले उनीहरूलाई पक्राउ गरी आवश्यक अनुसन्धान तथा कारबाहीका लागि वैदेशिक रोजगार विभाग ताहाचल काठमाडौं पठाइएको छ।

प्रकाशित मिति: बिहीबार, वैशाख १०, २०८३ १४:०७

प्रतिक्रिया दिनुहोस्