तीन दिनपछि खुल्यो बीपी राजमार्ग, अस्थायी डाइभर्सन बने पनि यात्रा नगर्न सुझाव

पूर्वाधार

गृहपृष्ठ
पूर्वाधार

तीन दिनपछि खुल्यो बीपी राजमार्ग, अस्थायी डाइभर्सन बने पनि यात्रा नगर्न सुझाव

क्यापिटल नेपाल बिहीबार, वैशाख २४, २०८३

काभ्रे। बाढीले अवरुद्ध बीपी राजमार्ग तीन दिनपछि खुलेको छ। अस्थायी ‘डाइभर्सन’ बनाएर यो मार्गमा आज बिहानदेखि सवारी आवागमन खुलेको हो।

जिल्ला प्रहरी कार्यालयले वर्षा जारी रहेकाले अत्यावश्यकबाहेक यो मार्गबाट यात्रा नगर्न सम्बद्ध सबैमा अनुरोध गरेको छ। गत सोमबारको वर्षासँगै रोशी खोलामा आएको बाढीले बाटो बन्द भएको थियो।

वर्षा हुनेबित्तिकै रोशी क्षेत्रको करिब चार किलोमिटर क्षेत्रमा निर्माण गरिएको अस्थायी डाइभर्सनमा क्षति पुग्ने भएकाले प्रहरीले आवागमन बन्द गराउने गरेको छ। राजमार्ग अवरुद्ध भएपछि सवारीसाधनलाई धुलिखेल तथा काभ्रेभञ्ज्याङ र मंगलटार तथा सिन्धुलीको नेपालथोकमा राखिन्छ।

गत वर्षको बाढीपहिरोले राजमार्गको चौकीडाँडा, रोशी तथा सिन्धुलीको नेपालथोक क्षेत्रमा १८ किमि सडक बगाएपछि खोलामै डाइभर्सन निर्माण गरी सवारीसाधन सञ्चालन गरिएको थियो। हाल उक्त क्षेत्रमा सडक निर्माण भइरहेको छ।–रासस

प्रकाशित मिति: बिहीबार, वैशाख २४, २०८३ १०:५०

प्रतिक्रिया दिनुहोस्