लालीगुराँस सहकारीका ९४३ ऋणीको नाम सार्वजनिक, ऋण चुक्ता गर्नेहरू प्रमाणसहित आउन आग्रह

सहकारी

गृहपृष्ठ
सहकारी

लालीगुराँस सहकारीका ९४३ ऋणीको नाम सार्वजनिक, ऋण चुक्ता गर्नेहरू प्रमाणसहित आउन आग्रह

क्यापिटल नेपाल शुक्रबार, जेठ २२, २०८३

काठमाडौं। समस्याग्रस्त सहकारी व्यवस्थापन समितिको कार्यालयले समस्याग्रस्त घोषित लालिगुराँस बहुउद्देश्यीय सहकारी संस्था लिमिटेडका ९४३ जना ऋणीहरूको नामावली सार्वजनिक गरेको छ।

समितिले उपलब्ध ऋण विवरणका आधारमा नामावली सार्वजनिक गरिएको जनाएको छ। यस क्रममा साविकमा ऋण चुक्ता गरिसकेका तर नामावलीमा नाम समावेश भएका व्यक्तिहरूलाई प्रमाणसहित उपस्थित हुन आग्रह गरिएको छ।

त्यस्तै, ऋण तिर्न बाँकी रहेका ऋणीहरूलाई समितिको कार्यालयमा सम्पर्क गरी यथाशीघ्र ऋण चुक्ता गर्न सूचित गरिएको छ। अन्यथा प्रचलित कानुनअनुसार असुली प्रक्रिया अघि बढाइने समितिले चेतावनी दिएको छ।

समस्याग्रस्त सहकारी व्यवस्थापन समितिले सहकारीको रकम फिर्ता गराउने तथा बचतकर्ताको हित संरक्षण गर्ने उद्देश्यले ऋणीहरूको विवरण सार्वजनिक गरिएको स्पष्ट पारेको छ।

प्रकाशित मिति: शुक्रबार, जेठ २२, २०८३ २०:०९

प्रतिक्रिया दिनुहोस्