काठमाडौं। रुसको नियन्त्रणमा रहेको क्रिमियामा युक्रेनले ऊर्जा पूर्वाधारमा गरेको आक्रमणपछि त्यहाँको सबैभन्दा ठूलो सहर सेवास्तोपोल विद्युतविहीन भएको छ। मस्कोले नियुक्त गरेको स्थानीय प्रशासकले बासिन्दालाई नआत्तिन आग्रह गरेका छन्।
सन् २०१४ मा रुसद्वारा आफ्नो नियन्त्रणमा लिइएको क्रिमियासँगको सम्पर्क कमजोर पार्ने उद्देश्यले युक्रेनले पछिल्ला दिनहरूमा त्यहाँका विभिन्न स्थानमा आक्रमण तीव्र बनाएको छ। परिस्थितिका कारण स्थानीय प्रशासनले सर्वसाधारणलाई इन्धन बिक्रीसमेत स्थगित गरेको छ।
यसैबीच, युरोपभर अत्यधिक गर्मीको लहर जारी रहँदा उत्तरी फ्रान्समा हजारौँ घरपरिवार विद्युत् सेवाबाट वञ्चित भएका छन्। ऐतिहासिक रूपमा उच्च तापक्रम मापन हुने अनुमान गरिएकाले बुधबार फ्रान्सका विभिन्न क्षेत्रमा तापक्रम अझ बढ्ने अपेक्षा गरिएको छ।
उता, संयुक्त राज्य अमेरिकाको माथिल्लो सदनले राष्ट्रपति डोनाल्ड ट्रम्पलाई इरानविरुद्धको सैन्य अभियान रोक्न वा त्यसलाई निरन्तरता दिनुअघि संसद्को स्वीकृति लिनुपर्ने मागसहितको प्रस्ताव पारित गरेको छ।
स्वास्थ्यसम्बन्धी एक अध्ययनले हरेक घण्टामा पाँच मिनेट पैदल हिँड्दा स्वास्थ्यमा सकारात्मक प्रभाव पर्ने र कार्यक्षमता बढ्न सक्ने देखाएको छ।
‘वैश्विक समाचार श्रव्य कार्यक्रम’ले विश्वभरका ताजा घटनाक्रम, राजनीति, अर्थतन्त्र, जलवायु, व्यापार, प्रविधि तथा स्वास्थ्यसम्बन्धी समाचार र विश्लेषण नियमित रूपमा प्रस्तुत गर्दछ।
-1780306558.jpeg)
-1782283757.JPG)
