त्रिवि शिक्षण अस्पतालमा स्वास्थ्य बीमा कार्यक्रम पुनः सञ्चालन

समाज

गृहपृष्ठ
समाज

त्रिवि शिक्षण अस्पतालमा स्वास्थ्य बीमा कार्यक्रम पुनः सञ्चालन

क्यापिटल नेपाल आइतबार, असार १४, २०८३

काठमाडौं। त्रिभुवन विश्वविद्यालय (त्रिवि) शिक्षण अस्पतालले स्वास्थ्य बीमा कार्यक्रमलाई पुनः सञ्चालन गर्ने भएको छ। गत माघ १ गतेदेखि सो कार्यक्रम बन्द गरेको अस्पतालले असार १५ गतेदेखि पुनः सेवा सुरु गर्न लगेको हो।

अस्पतालका कार्यकारी निर्देशक डा सुभाशप्रसाद आचार्यका अनुसार हाल बहिरङ्ग सेवा (ओपिडी)मा सो सेवा सञ्चालन गर्ने र केही दिनपछि अन्य सेवामा पनि विस्तार गरिने छ। स्वास्थ्य बिमा कार्यक्रममार्फत अस्पतालले उपलब्ध गराएको उपचारको भुक्तानी नभएपछि सेवा बन्द भएको थियो।

उनका अनुसार अस्पतालले बिहान ७ देखि ११ बजे र दिउँसो १ बजेदेखि साढे २ बजेसम्म बीमा टिकट बिरामीलाई उपलब्ध गराइने छ। केही दिनअघि मात्र बोर्डले अस्पताललाई स्वास्थ्य बिमाबाट उपचार गरेवापतको भुक्तानी उपलब्ध गराएको थियो।

अस्पतालले विं.सं. २०७७ बाट नियमित रुपमा सञ्चालन गर्दै आएको स्वास्थ्य बिमा कार्यक्रममार्फत उपचार सेवा सञ्चालन गरेको थियो।

प्रकाशित मिति: आइतबार, असार १४, २०८३ १६:२४

प्रतिक्रिया दिनुहोस्