एनआईसी एशिया लघुवित्तका ऋणीले असार मसान्तसम्म किस्ता र ब्याज तिरेमा १ देखि ६ प्रतिशतसम्म छुट

बैंकिङ

गृहपृष्ठ
बैंकिङ

एनआईसी एशिया लघुवित्तका ऋणीले असार मसान्तसम्म किस्ता र ब्याज तिरेमा १ देखि ६ प्रतिशतसम्म छुट

क्यापिटल नेपाल सोमबार, असार ८, २०७७

काठमाडौं । एनआईसी एशिया लघुवित्त वित्तीय संस्थाले कोभिड–१९ बाट प्रभावित ऋणीहरुलाई असार मसान्तसम्म सम्पूर्ण साँवा तथा ब्याजको बक्यौता चुक्ता गरेमा कर्जाको विद्यमान ब्याजदरलाई कम गरी न्यून १ प्रतिशत र अधिक ६ प्रतिशत छुट दिने भएकाे छ । यसअघि जेठ मसान्तसम्म सम्पूर्ण किस्ता/ब्याज चुक्ता गरेमा सम्पूर्ण ब्याज रकममा १० प्रतिशत छुट तथा जरिवाना ब्याजको शतप्रतिशत रकम छुटको सुविधा प्रदान गरेको छ ।

यसअघि चैत मसान्तसम्मको ब्याजदरमा ३ प्रतिशत घटाइ चालू आर्थिक वर्षको चौथो त्रैमासको व्याज ब्याज गणना गर्न जारी गरिएको निर्देशनको तत्काल पूर्ण कार्यान्वयन गर्दै यस्तो छुट सुविद्या दिएको हो । कोभिड महामारीबाट यस वित्तीय संस्थाका ऋणीहरुलाइ परेको प्रभावको मुल्यांकन गर्दै उत्तरदायी बैंकिङ अभ्यास थप मजबुद पार्न यस्तो सुविद्या दिएको बैंकले जनाएको छ ।

बाचौं र बचाऔं भन्ने अभियानमा केन्द्रीत हुँदै संस्थाले असार महिनाका लागि समेत कर्जाको ब्याजमा छुट हुने जनाएको हो । सुविधा पश्चात अधिक व्याजदरको छुट प्राप्त गर्ने ऋणीको व्याजदर १२ प्रतिसत कायम हुनेछ । साथै, साँवा तथा ब्याज चुक्ता भुक्तान गर्न ढिलाई गर्दा लाग्ने पेनाल चार्ज÷ब्याज र जरिवाना रकममा समेत शतप्रतिशत मिनाहाको व्यवस्था यो वित्तीय संस्थाले गरेको हो ।