सहरी क्षेत्रका स्कुल, पार्टीप्यालेस र सिनेमा हल एक महिना बन्‍द गर्ने सरकारको निर्णय

मुख्य समाचार

गृहपृष्ठ
मुख्य समाचार

सहरी क्षेत्रका स्कुल, पार्टीप्यालेस र सिनेमा हल एक महिना बन्‍द गर्ने सरकारको निर्णय

क्यापिटल नेपाल सोमबार, वैशाख ६, २०७८

काठमाडौं । कोरोना भाइरस संक्रमण पुनः फैलिएपछि सरकारले मुख्य सहरी क्षेत्रको विद्यालय बन्‍द गर्ने भएको छ । सोमबार प्रधानमन्त्री निवास बालुवाटारमा बसेको मन्त्रिपरिषद् बैठकले मुख्य सहरी क्षेत्रका विद्यालय बन्‍द गर्ने निर्णय गरेको हो ।

कोभिड-१९ संकट व्यवस्थापन उच्चस्तरिय समिति (सीसीएमसी) को सिफारिसलाई मन्त्रिपरिषदले स्वीकृति प्रदान गरेको हो । सरकारले कोरोनाको नयाँ भेरियन्टको जोखिम बढेको भन्दै सहरी क्षेत्रसहित संक्रमण बढेका जिल्लाहरुमा शिक्षण संस्था बन्द गर्ने निर्णय गरेको हो ।

त्यस्तै रात्रिकालीन व्यवसाय, सिनेमा हल, पार्टी प्यालेस, जिमखाना, रंगशालालगायत भीडभाड हुने क्षेत्रहरु समेत वैशाख मसान्तसम्म बन्द गर्ने निर्णय भएको छ ।