अपर खुदी जलविद्युत आयोजनालाई जुट्यो लगानी, बीओकेको अगुवाइमा ४१९ करोड ऋण

मुख्य समाचार

गृहपृष्ठ
मुख्य समाचार

अपर खुदी जलविद्युत आयोजनालाई जुट्यो लगानी, बीओकेको अगुवाइमा ४१९ करोड ऋण

क्यापिटल नेपाल सोमबार, फागुन १०, २०७७

काठमाडौं । निजी क्षेत्रबाट निर्माण हुन लागेको २१ मेगावाटको अपर खुदी जलविद्युत आयोजना बनाउन ५ वटा वाणिज्य बैंकहरुले ४ अर्ब १९ करोड रुपैयाँ ऋण लगानी गर्ने भएका छन । आयोजनामा बैंक अफ काठमाण्डू (बिओके) को अगुवाईमा सो रकम ऋण लगानी हुने भएको हो ।

बीओकेको सहवित्तियकरणमा ग्लोबल आईएमई बैंक, सिभिल बैंक, मेगा बैंक र नेपाल क्रेडिट एण्ड कमर्श (एनसीसी) बैंक रहेका छन् । आयोजनामा ऋण लगानी गने सम्झौतापत्रमा विकासकर्ता सुपर खुदी जलविद्युत र बीओकेबीच हस्ताक्षर भएको छ । आयोजनामा ७० प्रतिशत बैंकको ऋण र बाँकी ३० प्रतिशत स्वपूँजी (इक्विटी) लगानी रहनेछ ।

सुपर खुदीले लमजुङको मर्स्याङ्गदी गाऊँपालिकामा आयोजनाको निर्माण कार्य गरीरहेको छ । आयोजना पुरा भएपछि उत्पादित विद्युत तादीकुना सबस्टेसनमा जोडिनेछ । सबस्टेसनसम्मको आवश्यक ५ किलोमिटर लामो १३२ केभी प्रसारण लाइन कम्पनी आफैले निर्माण गर्ने कम्पनीले जानकारी दिएको छ ।

प्रकाशित मिति: सोमबार, फागुन १०, २०७७ १९:०४

प्रतिक्रिया दिनुहोस्