पशुपतिमा डिजिटल दान पेटिका, मोबाइलबाटै भेटी हाल्न सकिने

मुख्य समाचार

गृहपृष्ठ
मुख्य समाचार

पशुपतिमा डिजिटल दान पेटिका, मोबाइलबाटै भेटी हाल्न सकिने

क्यापिटल नेपाल शुक्रबार, फागुन १४, २०७७

काठमाडौं । पशुपतिनाथ मन्दिर परिसरमा दान तथा भेटी हाल्न डिजिटल तवरको दान पेटिका राखिएको छ । शुक्रबार बैंक अफ काठमाण्डू लिमिटेडद्वारा डिजिटल दान पेटिका शुभारम्भ गरिएको हो । आफ्नो डिजिटल कारोबार विस्तार गर्ने क्रममा पशुपति क्षेत्रमा दान तथा भेटीहरु संकलनलाइ विद्युतीय बनाइएको हो ।

राष्ट्र बैंकका गभर्नर महाप्रसाद अधिकारीले पशुपतिनाथ मन्दिरमा डिजिटल दानपेटिकाको शुभारम्भ गरेका छन् पशुपति क्षेत्र विकास कोषका सदस्य सचिव डा. प्रदीप ढकाल, बैंक अफ काठमाण्डू लिमिटेडको सञ्चालक समिति अध्यक्ष प्रकाश श्रेष्ठ र बैंकका प्रमुख कार्यकारी अधिकृत शोभन देव पन्तको आतिथ्यतामा सम्पन्न भएको हो ।

गभर्नर महाप्रसाद अधिकारीले डिजिटल दान पेटिकाको क्युआर कोड स्क्यान गरी पशुपतिनाथ भगवानलाई डिजिटल तवरले दान गर्दै विधिवत सुरूवात गरेका थिए । उनले अब उपरान्त पशुपतिनाथ भगवानको मन्दिरमा दर्शन गर्न आउने सम्पूर्ण श्रद्धालु भक्तजनहरुले डिजिटल तवरले दान गर्ने व्यवस्था मिलाएकोमा बैंक अफ काठमाण्डू लिमिटेड र पशुपति क्षेत्र विकास कोषलाई धन्यवाद दिए ।

प्रकाशित मिति: शुक्रबार, फागुन १४, २०७७ १५:५५

प्रतिक्रिया दिनुहोस्