निषेधाज्ञामा बैंकका सबै शाखा खुला रहने, नगदभन्दा अनलाइन कारोबार गर्न आग्रह

मुख्य समाचार

गृहपृष्ठ
मुख्य समाचार

निषेधाज्ञामा बैंकका सबै शाखा खुला रहने, नगदभन्दा अनलाइन कारोबार गर्न आग्रह

क्यापिटल नेपाल बिहीबार, वैशाख १६, २०७८

काठमाडौं । काठमाडौं उपत्यकाका तीन जिल्लामा बिहीबारदेखि लागू भएको निषेधाज्ञाका समयमा बैंक तथा वित्तीय संस्थाहरू खुला रहने भएका छन् । नेपाल बैंकर्स सङ्घले निषेधाज्ञाको समयमा बैंकका सबै शाखाहरू खुला हुने जनाएको छ ।

सङ्घले विज्ञप्तीमार्फत बैंक तथा वित्तीय संस्थाका सबै शाखा कार्यालयहरू नियमित सञ्चालन हुने जनाएको छ । सबै शाखा कार्यालय खुला भए पनि निषेधाज्ञाको अवधिमा ग्राहकहरूलाई अत्याअवाश्यक अवस्थामा बाहेक बैंक नआउन पनि आग्रह गरेको छ ।

बैंकका सबै शाखामा ग्राहकको भिडभाड बढी हुने हुँदा भिडकम गर्नका लागि ग्राहकलाई अनुरोध गरिएको सङ्घका अध्यक्ष भुवन दाहालले जानकारी दिनुभयो । उनले नागद (नोट) कारोबारभन्दा बढी अनलाइनमार्फत कारोबार गर्न आग्रह गरे ।

सङ्घले निषेधाज्ञाको समयमा बैंकका शाखा तथा एटीएम बुथहरू खुला रहने भन्दै इन्टरनेटरमोबाइल बैंकिङ सेवा लिएका ग्राहकले आफ्नो पासवर्ड बिर्सिएमा वा अन्य कुनै प्राविधिक समस्या भएमा आफ्नो सम्बन्धित शाखामा फोन सम्पर्क गर्न समेत आग्रह गरेको छ । रासस

प्रकाशित मिति: बिहीबार, वैशाख १६, २०७८ १३:०२

प्रतिक्रिया दिनुहोस्