राष्ट्रिय वाणिज्य बैंकले मंगलबारदेखि साढे २ अर्बको ऋणपत्र निष्कासन गर्ने, ब्याजदर ८.५ प्रतिशत

मुख्य समाचार

गृहपृष्ठ
मुख्य समाचार

राष्ट्रिय वाणिज्य बैंकले मंगलबारदेखि साढे २ अर्बको ऋणपत्र निष्कासन गर्ने, ब्याजदर ८.५ प्रतिशत

क्यापिटल नेपालसोमबार, जेठ २४, २०७८

काठमाडौं । राष्ट्रिय वाणिज्य बैंकले जेठ २५ गते मंगलबारदेखि ऋणपत्र (डिबेञ्चर) निष्कासन गर्ने भएको छ । आरबीबीएल डिबेञ्चर २०८३ नामक सो ऋणपत्रको वार्षिक ब्याजदर ८.५ प्रतिशत रहेको छ ।

ऋणपत्रको अवधि ६ वर्षको छ । बैंकले प्रतिकित्ता १ हजार अंकित मूल्यको २ अर्ब ५० करोड रुपैयाँ २५ लाख कित्ता ऋणपत्र बिक्री गर्न लागेको हो । ऋणपत्रको ब्याज अर्धवार्षिक रुपमा भुक्तानी गरिने बैंकले जनाएको छ ।

कुल २५ लाख कित्ता ऋणपत्रमध्ये ६० प्रतिशत अर्थात १५ लाख कित्ता व्यक्तिगत तवरबाट संगठित संस्थाहरुलाई बिक्री गरिने र सोका लागि ऋणपत्र निष्काशन तथा बिक्री प्रबन्धक एनआईबीएल एस क्यापिटल लिमिटेड र निष्कासनकर्ता कम्पनी बैंकको आपसी सहमतिमा बिक्री वितरण गरिनेछ । बाँकी ४० प्रतिशत अर्थात १० लाख कित्ता सर्वसाधारण नेपालीका लागि सार्वजनिक निष्काशनबाट ऋणपत्र बिक्री गरिनेछ ।

छिटोमा जेठ २८ गते र ढिलोमा असार ८ गतेसम्म बिक्रीमा रहने यस ऋणपत्र खरिदका लागि न्युनतम २५ कित्तादेखि अधिकतम २ लाख ५० हजार कित्तासम्म आवेदन दिन सकिनेछ ।

ऋणपत्र खरिदका लागि वाणिज्य बैंकका शाखा कार्यालयहरु, सि–आस्वा सदस्य बैंक तथा वित्तीय संस्थाहरु तथा तिनका शाखा कार्यालयहरु मार्फत आवेदन दिन सकिनेछ । साथै मेरो शेयरमार्फत पनि आवेदन दिन सकिने व्यवस्था रहेको छ ।

प्रकाशित मिति: सोमबार, जेठ २४, २०७८ १६:०६

प्रतिक्रिया दिनुहोस्