प्रदेश १ मा चल्ने सार्वजनिक सवारी साधनको भाडा २३ प्रतिशत बढ्यो

मुख्य समाचार

गृहपृष्ठ
मुख्य समाचार

प्रदेश १ मा चल्ने सार्वजनिक सवारी साधनको भाडा २३ प्रतिशत बढ्यो

क्यापिटल नेपालबुधबार, भदौ २, २०७८

काठमाडौं । प्रदेश नम्बर १ मा चल्ने सार्वजनिक सवारी साधनको भाडा २३ प्रतिशतसम्म बढेको छ । प्रदेश नम्बर १ को भौतिक पूर्वाधार विकास मन्त्रालयको मंगलबार बसेको बैठकले सार्वजनिक सवारीको भाडा बढाएको हो ।

नयाँ समायोजन भएको भाडाअनुसार, यात्रुबाहक सवारीका लागि २२ प्रतिशत, पहाडी बाटोमा सञ्चालन हुने सवारीको भाडा १६.५ प्रतिशत र तराईको बाटोमा सञ्चालन हुने मालबाहक सवारीको भाडा २३ प्रतिशत बढेको छ ।

संघीय सरकारले गत असार २९ गतेबाट २८ प्रतिशतसम्म लामो दूरी अर्थात् अन्तर प्रदेश चल्ने सवारी साधनाको भाडा बढाएको थियो । यस अघि यातायात व्यवस्था विभागले २०७५ साल आसोज ७ गते भाडा समायोजन भएको थियो । उक्त भाडादरलाई प्रदेश सरकारले मंगलबार समायोजन गरेको हो ।