एनसेल लाभकर मुद्धाको फैसला सोमबार हुने

मुख्य समाचार

गृहपृष्ठ
मुख्य समाचार

एनसेल लाभकर मुद्धाको फैसला सोमबार हुने

क्यापिटल नेपालबिहीबार, भदौ ५, २०७६

काठमाडौं । सर्वोच्च अदालतले एनसेल प्राइभेट लिमिटेड खरिदबिक्री हुँदाको बुझाउनु पर्ने लाभकर छली मुद्धाको निर्णय सुनाउन मिति सरेको छ । मिति सरेको यो तेस्रो पटक हो ।

एनसेलको ८० प्रतिशत स्वामित्व बिक्री हुँदा भएको लाभकर छली विवादमा सर्वोच्चमा पुगेको छ । सर्वोच्चले भदौ ९ गते सोमबार लाभकरको फैसला गर्ने भएको छ ।

सर्वोच्चले साउन २१ गते निर्णय सुनाउने भने पनि त्यस दिनबाट साउन ३० गतेलाई सारेको थियो। प्रधानन्यायाधीश चोलेन्द्र शमशेर राणासहितको पूर्ण इजलासले टुंग्याएको यो विवाद पुनः सर्वोच्चमा रिट परेको हो ।

पूर्ण इजलासको फैसलालाई चुनौति दिदै एनसेल रिट दायर गरेको हो । ठुला करदाता कार्यलयले निर्धारण गरेको करमा चित्त नबुझेपछि एनसेल सर्वोच्चमा पुगेको हो ।

यसअघि न्यायाधीशहरु तेजबहादुर केसी, पुरुषोत्तम भण्डारी, डम्बरबहादुर शाही, शुष्मालता माथेमा र मनोजकुमार शर्माको बृहत् पूर्ण इजलासमा उक्त मुद्दाको सुनुवाइ भएको थियो।

प्रकाशित मिति: बिहीबार, भदौ ५, २०७६ १७:५५

प्रतिक्रिया दिनुहोस्