नेपालगञ्ज भन्सार कार्यालयमा राजस्व सङ्कलनमा वृद्धि

मुख्य समाचार

गृहपृष्ठ
मुख्य समाचार

नेपालगञ्ज भन्सार कार्यालयमा राजस्व सङ्कलनमा वृद्धि

क्यापिटल नेपाल शुक्रबार, कात्तिक १२, २०७८

बाँके । बाँकेको नेपालगन्ज भन्सार कार्यालयले चालू आर्थिक वर्षको तीन महिनामै ५अर्ब ४९ करोड राजस्व सङ्कलन गरेको छ । भन्सार कार्यालयको राजस्व सङ्कलन वृद्धि ११० प्रतिशतले वृद्धि भएको छ । गत आर्थिक वर्ष २०७७/७८ मा कार्यालयले २१ अर्ब रूपैयाँ राजस्व सङ्कलन गरेको थियो । चालू आवमा २५ अर्ब रूपैयाँ राजस्व सङ्कलन गर्ने कार्यालयको लक्ष्य छ ।

चालू आवमा प्रेट्रोलियम पदार्थ, चामल, दालचिनी, गहुँ, मकै, उद्योग, कच्चापदार्थ, लत्ताकपडा, गेडागुडी, तरकारी र खसीबोकाको आयातमा वृद्धि भएको छ । जडीबुटी र सुगन्धित तेल निर्यात बढी भइरहेको नेपालगञ्ज भन्सार कार्यालयका प्रमुख जयबहादुर भण्डारीले बताए।

नेपालगञ्ज नाकाबाट हरेक वर्ष चामल आयतमा वृद्धि हुँदै गएको छ । नेपालगञ्ज नाकाबाट गत आवमा वर्षमा १ अर्ब ५२ करोड ३७ लाखको गेडागुडी भारतबाट आयात भएको भएको थियो । बाँकेमा खुला सीमाका कारण भन्सार कार्यालयलाई लक्ष्यअनुसार राजस्व सङ्कलन गर्न समस्या हुने गरेको भण्डारी बताए ।

प्रकाशित मिति: शुक्रबार, कात्तिक १२, २०७८ १६:०४

प्रतिक्रिया दिनुहोस्