व्यापार घाटा ७ खर्ब ३५ अर्ब, आयात ५९.५५ प्रतिशतले वृद्धि

मुख्य समाचार

गृहपृष्ठ
मुख्य समाचार

व्यापार घाटा ७ खर्ब ३५ अर्ब, आयात ५९.५५ प्रतिशतले वृद्धि

क्यापिटल नेपालबिहीबार, पुस ८, २०७८

काठमाडौं । भन्सार विभागले चालू आर्थिक वर्षको ५ महिनाको तथ्यांक प्रकाशित गरेको छ ।

विभागको तथ्यांकअनुसार पहिलो पाँच महिनामा आयात ५९.५५ प्रतिशतले बढेर ८ खर्ब ३८ अर्ब रुपैयाँ पुगेको छ । गत आर्थिक वर्षको सोही अवधिमा ५ खर्ब २५ अर्ब रुपैयाँ बराबरको वस्तु आयात भएको थियो ।

यसैगरी गत आर्थिक वर्षको तुलनामा निर्यात १०५.६१ प्रतिशतले बढेको छ । चालू आर्थिक वर्षको पहिलो पाँच महिनामा १ खर्ब ५ अर्ब रुपैयाँबराबर वस्तु निर्यात भएको छ । गत आवमा याे निर्यात ५० अर्ब ५ करोड रुपैयाँ मात्रै रहेको थियो ।

गत आर्थिक वर्षको तुलनामा आयात-निर्यात अनुपात भने घटेको छ । निर्यातमा भएको सुधारका कारण याे १०.५ बाट घटेर ८.१५ मा पुगेको विभागले जनाएको छ ।

व्यापार घाटा पहिलो पाँच महिनामा ६३.५५ प्रतिशतले बढेर ७ खर्ब ३५ अर्ब रुपैयाँ पुगेको छ । गत आवमा याे व्यापार घाटा ४ खर्ब ७५ अर्ब रुपैयाँ मात्रै थियो ।

यस अवधिमा कुल अन्तर्राष्ट्रिय व्यापार ६३.५५ प्रतिशतले बढेर ९ खर्ब ४१ अर्ब रुपैयाँ पुगेको छ । गत आर्थिक आर्थिक वर्ष अन्तर्राष्ट्रिय व्यापार ५ खर्ब ७५ अर्ब रुपैयाँको मात्रै भएको भन्सार विभागले जनाएको छ ।

प्रकाशित मिति: बिहीबार, पुस ८, २०७८ १४:१८

प्रतिक्रिया दिनुहोस्