क्यापिटल कार्टुन : हामी मिलेर अर्थतन्त्र बनाइरहेका छौं

मुख्य समाचार

गृहपृष्ठ
मुख्य समाचार

क्यापिटल कार्टुन : हामी मिलेर अर्थतन्त्र बनाइरहेका छौं

क्यापिटल नेपालआइतबार, पुस ११, २०७८

काठमाडाैं । कोरोना महामारीको असर अहिले अर्थतन्त्रमा देखिन थालेको छ । बैंकमा लगानीयोग्य पुँजीको अभाव हुनुका साथै आयात बढ्दा शोधनान्तर १५० अर्ब रुपैयाँले ऋणात्मक भएको नेपाल राष्ट्र बैंकले बताएकाे छ । आयात बढेर विदेशी मुद्रा सञ्चिति पनि ११ प्रतिशतले घटेको छ । समग्रमा देशको बाह्य आर्थिक अवस्था डरलाग्दो देखिएको छ ।

यसरी ओरालोे लागिरहेकाे अर्थतन्त्रप्रति अर्थमन्त्री जनार्दन शर्मा रत्तिभर चिन्तित छैनन् । उल्टै खस्किँदाे अर्थतन्त्रबारे समाचार, विचार प्रकाशित गर्दा 'नियाेजित हल्ला' काे संज्ञा दिनमै व्यस्त छन् । कहिले लेख नै लेखेर त कहिले नेपाल राष्ट्र बैंकलाई प्रयाेग गरी अर्थतन्त्र खराब नरहेकाे देखाउन अर्थात् आफ्ना कमजाेरी ढाक्नमै तल्लीन छन् ।

यद्यपि अर्थमन्त्री जनार्दन शर्माले अर्थतन्त्र ठिकठाक भएको दाबी गरेकै दिन राष्ट्र बैंकले सार्वजनिक गरेको देशको वर्तमान आर्थिक अवस्थामा राम्रो संकेत देखिएको छैन । यसलाई समधान गर्न अर्थमन्त्रीले कुनै पहलकदमी लिएको देखिएकाे छैन ।

प्रकाशित मिति: आइतबार, पुस ११, २०७८ १०:४९

प्रतिक्रिया दिनुहोस्