अर्थतन्त्र जोगाउने बेला ब्याजदर बढाएको भन्दै बैंक अध्यक्षहरूप्रति अर्थमन्त्री शर्माको आक्रोश

मुख्य समाचार

गृहपृष्ठ
मुख्य समाचार

अर्थतन्त्र जोगाउने बेला ब्याजदर बढाएको भन्दै बैंक अध्यक्षहरूप्रति अर्थमन्त्री शर्माको आक्रोश

क्यापिटल नेपाल सोमबार, पुस २६, २०७८

काठमाडौं । अर्थमन्त्री जनार्दन शर्माले बैंकले मुनाफा कमाउन मात्रै ध्यान दिएको भन्दै आक्रोश व्यक्त गरेका छन् ।

बैंकले संकटको समयमा अर्थतन्त्र जोगाउन भूमिका खेल्न नसकेको गुनासो अर्थमन्त्री शर्माले गरेका हुन् । उद्योग व्यवसाय बचाउनुपर्ने बेलामा बैंकहरूले ब्याजदर ८ प्रतिशतबाट बढाएर ११ प्रतिशतसम्म पुर्याएकोप्रति उनले असन्तुष्टि जनाएका हुन् ।

सोमबार बैंक तथा वित्तीय संस्था परिसंघ (सिबिफिन) को दोस्रो वार्षिक साधारणसभामा बोल्दै अर्थमन्त्री शर्माले सो कुरा बताएका हुन् । यस्तै अर्थमन्त्री शर्माले माघ महिनादेखि बैंकिङ प्रणालीमा तरलता अभावको समस्या हट्ने दाबी गरेका छन् ।

कोभिड १९ का कारण २ वर्षसम्म ठप्प भएको अर्थतन्त्र चलायमान हुँदा लगानी बढेकाले बजारमा तरलता अभावको समस्या भएको शर्माले बताए । अधिकांश कर्जा आयातमा गएकाले त्यसको असर तरलता अभाव र भुक्तानी सन्तुलन घटेको उनले बताए ।

कोरिया, इजरायल, जापानलगायतका देशबाट सोझै बैंकिङ प्रणालीमा रेमिट्यान्स नआउने गरेको भन्दै अर्थमन्त्री शर्माले ती देशमा बैंक शाखाहरु खोली रेमिट्यान्स सोझै भित्र्याउने व्यवस्था मिलाउन बैंकका अध्यक्षहरुलाई आग्रह गरे ।

प्रकाशित मिति: सोमबार, पुस २६, २०७८ १२:४४

प्रतिक्रिया दिनुहोस्