डाक्टर कुटेको रिसमा देशभरका अस्पतालमा आकस्मिकबाहेकका सेवा बन्द

राजनीति

गृहपृष्ठ
राजनीति

डाक्टर कुटेको रिसमा देशभरका अस्पतालमा आकस्मिकबाहेकका सेवा बन्द

क्यापिटल नेपाल मंगलबार, साउन १२, २०८३

काठमाडौं। सरकारले स्वास्थ्य, शिक्षालगायत क्षेत्रमा आन्दोलन निषेधित गरे पनि नेपाल चिकित्सक संघले आज देशभरिका अस्पतालमा आकस्मिकबाहेकका सेवा बन्दको घोषणा गरेको छ।

मंगलबार चिकित्सक तथा स्वास्थ्यकर्मीमाथि राज्यले दमन गरेको भन्दै विरोधस्वरूप देशभरिका अस्पतालमा आकस्मिकबाहेकका सबै सेवा बन्दको घोषणा गरिएको हो। योसँगै आज अस्पतालमा ओपिडी सेवा पनि बन्द हुनेछन्।

साउन ९ गते वीरगञ्जस्थित नारायणी अस्पतालमा कार्यरत चिकित्सक तथा स्वाथ्यकर्मीमाथि भएको सांघातिक आक्रमण र अस्पतालमा भएको तोडफोडको घटनामा संघले दोषीलाई कारबाही गर्न माग गरेको थियो।

आक्रमणबाट डा. प्रमोद रामको टाउकोमा गम्भीर चोट लागेको र अन्य चिकित्सक तथा स्वास्थ्यकर्मीमाथि समेत सांघातिक आक्रमण गर्नेमा संलग्नलाई स्वास्थ्यकर्मी तथा स्वास्थ्य संस्थाको सुरक्षा सम्बन्धि ऐन २०६६ अनुसार कारबाही गर्न माग गरेको छ।

जिल्ला प्रशासन कार्यालय पर्सामा वार्ताको क्रममा प्रमुख जिल्ला अधिकारी भोला दाहालको उपस्थितिमा प्रमुख एवं एसपी सुदीपराज पाठकले प्रहरी परिचालन गरी संघका केन्द्रीय कारयकारिणी समितिका सदस्य र संघका नारायणी शाखाका अध्यक्षलगायत चिकित्सकमाथि गालीगलौज गरी दुर्व्यवहार भएको विज्ञप्तिमा उल्लेख छ।

संघले घटनाको भत्सर्ना गर्दै चिकित्सकको मानमर्दन गरेको भन्दै एसपी र सिडिओलाई समेत कारबाही माग गरेको छ।

प्रकाशित मिति: मंगलबार, साउन १२, २०८३ ०६:५३

प्रतिक्रिया दिनुहोस्