गणतन्त्र दिवसमा भारतले गर्यो नेपाली वीर नारी र मृतक सैनिकका परिवारलाई ६ करोड सहयोग

मुख्य समाचार

गृहपृष्ठ
मुख्य समाचार

गणतन्त्र दिवसमा भारतले गर्यो नेपाली वीर नारी र मृतक सैनिकका परिवारलाई ६ करोड सहयोग

क्यापिटल नेपाल बुधबार, माघ १२, २०७८

कठमाडौं । भातरतीय राजदूत विनय मोहन क्वात्राले वीर नारी र मृतक सैनिकका नातेदारलाई ६ करोड ३५ लाख रुपैयाँ प्रदान गरेका छन् । भारतको ७३औं गणतन्त्र दिवसका अवसरमा नेपालका लागि भारतीय राजदूत क्वात्राले सो रकमसहित कम्बलसमेत वितरण गरेका हुन् ।

काठमाडौंस्थित भारतीय राजदूतावासमा बुधबार भारतीय गणतन्त्र दिवस मनाइएको हो । दिवसका अवसरमा राजदूत क्वात्राले भारतको झन्डा झन्डोत्तोलन गरेका छन् । साथै भारतीय राष्ट्रपतिले पठाएको सन्देशसमेत राजदूत क्वात्राले सुनाएका थिए ।

मानवीय प्रयासका सबै क्षेत्रमा भारतीयले हासिल गरेका उल्लेखनीय उपलब्धिको र भारतको स्वतन्त्रताको ७५ वर्षको उत्सव मनाउन भारत सरकारले अघि सारेको ‘आजादीका अमृत महोत्सव’ पहल कदमी कै एक हिस्साको रुपमा सो कार्यक्रमको आयोजना गरिएको थियो ।

आजादीका अमृत महोत्सवअन्तर्गत वर्षभरि र सन् २०२३ को अगस्ट महिनासम्म थुप्रै कार्यक्रमहरुको आयोजना गर्ने बताइएको छ । नेपालमा माइलस्टोन मनाउनका लागि प्रदेश तथा जिल्लामा भारतको सहयोगमा कार्यान्वयन भएका ७५ वटा विकास परियोजनाहरु यसै वर्ष उद्घाटन हुने बताइएको छ ।

त्यस्तै नेपालका विभिन्न संस्था तथा स्थानीय निकायलाई दूतावासले ७५ वटा एम्बुलेन्स र स्कुल बस उपहार स्वरुप प्रदान गर्ने जनाएको छ ।

प्रकाशित मिति: बुधबार, माघ १२, २०७८ १२:२२

प्रतिक्रिया दिनुहोस्