कांग्रेस सभापति देउवा दम्पतीमाथि भएको हमलाको सोसलिष्ट इन्टरनेशनलद्वारा निन्दा

समाज

गृहपृष्ठ
समाज

कांग्रेस सभापति देउवा दम्पतीमाथि भएको हमलाको सोसलिष्ट इन्टरनेशनलद्वारा निन्दा

क्यापिटल नेपाल शुक्रबार, भदौ २७, २०८२

काठमाडौं। सोसलिष्ट इन्टरनेशनले नेपाली कांग्रेसका सभापति एवं पूर्वप्रधानमन्त्री शेरबहादुर देउवा र उनकी धर्मपत्नी डा आरजु राणा देउवामाथि भएको सांघातिक हमलाको निन्दा गरेको छ।

विश्वका ८३ देशका ९१ वटा राजनीतिक पार्टी सदस्य रहेको सोसलिष्ट इन्टरनेशनले वक्तव्यमार्फत जेनजीको प्रदर्शनका क्रममा भदौ २३ गते देउवा दम्पतीलगायत राजनीतिक व्यक्तित्वमाथि भएको भौतिक हिंसाको निन्दा गरेको हो।

सोसलिष्ट इन्टरनेशनका अध्यक्ष पेद्रो साञ्चेज पेरेज–कास्तेजोनले वक्तव्य जारी गर्दै उक्त घट्नाक्रमबारे चिन्ता व्यक्त गरेका हुन्। प्रदर्शनका क्रममा मृत्यु भएका सबैप्रति श्रद्धाञ्जली व्यक्त गर्दै उनले शोक सन्तप्त परिवारजनमा समवेदना र घाइतेको शीघ्र स्वास्थ्य लाभको कामना गरे।

सोसलिष्ट इन्टरनेशनले प्रजातान्त्रिक व्यवस्थाअनुसार ढिलाइ नगरी शान्तिपूर्ण संवादबाट निकास हुने अपेक्षाका साथ यस चुनौतीपूर्ण क्षणमा आफ्नो सदस्यसमेत रहेको कांग्रेस पार्टीप्रति ऐक्यबद्धता जनाएको छ।

प्रकाशित मिति: शुक्रबार, भदौ २७, २०८२ १५:२१

प्रतिक्रिया दिनुहोस्