एभरेष्ट बैंकको सेयर बजारमा लगानी बढ्दो, पुग्यो ३५ अर्ब ३५ करोड

मुख्य समाचार

गृहपृष्ठ
मुख्य समाचार

एभरेष्ट बैंकको सेयर बजारमा लगानी बढ्दो, पुग्यो ३५ अर्ब ३५ करोड

क्यापिटल नेपाल शनिबार, माघ १५, २०७८

काठमाडौं । एभरेष्ट बैंकले धितोपत्र (सेयर बजार) मा लगानी बढाउँदै लगेको छ । चालु आर्थिक वर्षको दोस्रो त्रैमाशमा बैंकको सेयर बजारमा लगानी बढेर ३५ अर्ब ३५ करोड ६७ लाख रुपैयाँ पुगेको छ । चालु आर्थिक वर्षमा सेयर बजारमा लगानी बढेर ३४ अर्ब ८९ करोड रुपैयाँ पुग्ने प्रक्षेपण बैंकको थियो । तर, दोस्रो त्रैमाशमा नै प्रक्षेपण गरेको भन्दा बढी लगानी भएको छ ।

बैंकले ऋणपत्र (डिबेञ्चर) निष्कासन प्रयोजनका लागि सार्वजनिक गरेको वित्तीय विवरणमा धितोपत्र बजारमा लगानी बढदै गएको उल्लेख छ ।

आगामी आर्थिक वर्ष ०७९/०८० मा ३६ अर्ब ५४ करोड ४२ लाख र आर्थिक वर्ष ०८०/०८१ मा ३८ अर्ब २६ करोड २९ लाख रुपैयाँ पुग्ने प्रक्षेपण एभरेष्टले सार्वजनिक गरेको छ । बैंकले सेयर र म्युचअल फण्डमा यो रकम गरेको लगानी हो ।

आर्थिक वर्ष ०७५/०७६ मा बैंकको सेयर बजारमा लगानी २१ अर्ब ४३ करोड ४१ लाख रुपैयाँ थियो । आर्थिक वर्ष ०७६/०७७ मा बढेर २८ अर्ब ८१ करोड ३५ लाख र गत आर्थिक वर्षमा ३१ अर्ब ४६ करोड रुपैयाँ पुगेको थियो । बैंकको सेयर धितो कर्जा लगानी बढदै गएको वित्तीय विवरणले देखाएको छ ।