घरजग्गा विकास संघले महासंघ स्थापना गर्ने निर्णय

मुख्य समाचार

गृहपृष्ठ
मुख्य समाचार

घरजग्गा विकास संघले महासंघ स्थापना गर्ने निर्णय

क्यापिटल नेपाल बिहीबार, फागुन २६, २०७८

काठमाडौं । नेपाल जग्गा तथा आवास विकास संघ एनएलएचडीएले नेपाल जग्गा तथा आवास विकास महासंघ स्थापना गर्ने निर्णय गरेको छ । एनएलएडीएको १५औं साधारणसभामा महासंघ गठन गर्ने प्रस्ताव पारित गर्दै त्यस्तो निर्णय गरेको हो ।

संघका अध्यक्ष इच्छाबहादुर वाग्लेको सभापतित्वमा २०७८ फागुन २५ गते बुधबार एल्लो पगोडा होटलमा संघको साधारणसभा सम्पन्न भएको हो ।

संघका अध्यक्ष वाग्लेले संघका सदस्यहरुले संघको आर्थिक सुदृढीकरणका लागि सक्दो योगदान गर्नुपर्ने, कित्ताकाट फुकुवा हुनुपर्ने, सहरी विकास विधेयकलाई अन्तिम रुप दिई ऐनका रुपमा कार्यान्वयनमा ल्याउनुपर्ने, हाउजिङ प्लानिङको प्रक्रिया सहज बनाउनुपर्ने, संघले काठमाडौं उपत्यका बाहिर पनि व्यवस्थित सहरीकरणका आयोजना सञ्चालन गर्नुपर्ने बताएका थिए ।

सोही कार्यक्रमा उनले नेपाल राज्यभर रियल इस्टेट उद्योगको विकासका लागि एउटा छाता संगठनको रूपमा महासंघ गठन गर्नुपर्ने कुरामा जोड दिँदै यी कार्यहरुका लागि सम्बन्धित सरकारी निकायहरुसँग निरन्तररुपमा संवाद तथा अन्तरक्रिया गर्नुपर्ने कुरा बताएका थिए ।

सो अवसरमा संघका उपाध्यक्षत्रय विदुर धमला, दीपक कुँवर एवं भेषराज लोहनी, निवर्तमान अध्यक्ष मीनमान श्रेष्ठ र संस्थापक अध्यक्ष बुद्धिनारायण श्रेष्ठले संघको सुदृढीकरण तथा रियल इस्टेट उद्योगको प्रवर्द्धन सम्बन्धमा आ–आफ्नो धारणा राखेका छन् ।

प्रकाशित मिति: बिहीबार, फागुन २६, २०७८ १८:१५

प्रतिक्रिया दिनुहोस्