जापानले ५ वर्षभित्र भारतमा ४२ अर्ब डलर लगानी गर्ने

मुख्य समाचार

गृहपृष्ठ
मुख्य समाचार

जापानले ५ वर्षभित्र भारतमा ४२ अर्ब डलर लगानी गर्ने

क्यापिटल नेपाल आइतबार, चैत ६, २०७८

काठमाडौं । जापानले भारतमा आगामी ५ वर्ष भित्र ४२ अर्ब अमेरिकी डलर लगानी गर्ने भएको छ । शनिबार भारतीय प्रधानमन्त्री नरेन्द्र मोदीसँगको भेटपछि जापानका प्रधानमन्त्री फुमियो किसिदाले उक्त घोषणा गरेका हुन् ।

भारत र जापानले विभिन्न क्षेत्रहरुमा द्विपक्षीय सहयोग विस्तारका लागि ६ वटा सम्झौतामा हस्ताक्षर गरेका छन् । साथै, दुई देशबीच स्वच्छ उर्जा साझेदारीलाई थप बलियो बनाउन एक छुट्टै सम्झौतामा पनि हस्ताक्षर भएको छ ।

किसिदासँगको भेटपछि भारतीय प्रधानमन्त्री मोदीले जापान–भारत सम्बन्धले ‘इन्डो–प्यासिफि क्षेत्र’ मा समेत शान्ति, समृद्धि र स्थिरतालाई प्रोत्पाहन गर्ने उल्लेख गरेका छन् । मोदी र किसिदाबीच स्वतन्त्र, खुला र समावेशी ‘इन्डो–प्यासिफिक’ का विषयमा पनि छलफल भएकोे छ ।

प्रकाशित मिति: आइतबार, चैत ६, २०७८ १५:१६

प्रतिक्रिया दिनुहोस्